اقري يا احلى البنات(بقلمي)

[مـــجيـّدالسيــــد]

اقري يا احلى البنات
اقري بعيوني الثبات
اقري بعيوني سوالف
تنطي للموتى حياة
...................
نفترك هذا حلم
اثنين لا ماننقسم
بعيوني مرسومة رسم
وعطرج بروحي يبات
اقري يا احلى البنات
اقري بعيوني الثبات
...................
انه اعوفج مستحيل
جدمي مايهوه الرحيل
بالعشك مالج مثيل
انتي عشكي للممات
اقري يا احلى البنات
اقري بعيوني الثبات
..................
جذب الكلج اخونج
انه بروحي اصونج
اه يامحلى اعيونج
قبلة صارت للصلاة
اقري يا احلى البنات
اقري بعيوني الثبات
....................
من عرفتج يانبع
مابكه بعيني دمع
وانقلع حزني قلع
وانقلع كل الشتات
اقري يا احلى البنات
اقري بعيوني الثبات
اقري بعيوني سوالف
تنطي للموتى حياة
بقلمي
مجيد السيد
حصري ل منتديات فخامة العراق
27_7_2016

 

[»❥ Q̃̾υ̃̾ééи̃̾]

رد: اقري يا احلى البنات(بقلمي)

الله كلمات جميله وراقيه
دمت بود

 

[✿قہہمہہر✿]

رد: اقري يا احلى البنات(بقلمي)

اه يامحلى اعيونج
قبلة صارت للصلاة

الللللللله روووعه واكثر
كلش احب اشعارك مو مجامله
احلى تقييم

 

[اموره]

رد: اقري يا احلى البنات(بقلمي)

اوووف فدوووه تخبببل

رووووعه رووووعه عشت

 

[أنين الروح]

رد: اقري يا احلى البنات(بقلمي)

عاشت الايادي رائع

 

[رعد البهادلي]

رد: اقري يا احلى البنات(بقلمي)

الله عليك كلمات جميلة جدا

تستحق الإعجاب

خالص الإحترام والتقدير

لك دكتور مجيد المتألق

 

[الطيب الغالي]

رد: اقري يا احلى البنات(بقلمي)

يستاهلون البنات

روعة الكلمات روعة

تسلم يا الغالي ويعطيك الف عافية

 

[الشيخ]

رد: اقري يا احلى البنات(بقلمي)

جميل

تسلم الايادي سيد

 

[اسير الضمير]

رد: اقري يا احلى البنات(بقلمي)

اقري يا احله البنات
مجيد ردتله الحياة
والقلم اصبح يغرد
شامخ وكله ثبات
مجيد من يكتب يغني
وينجن يل بالعشك متلهفات
هذا ابو جيجو اطربنه
وعاد من بعد الشتات
مجيد ما يعزف الحانه
الا بس للعاشكات
والحدايق الهن الله
ع القهر متحزمات
عماد
رد للمزاح
قلمك عاد من جديد
وعاد عزف الالحان
دمت بهذا الجمال
وكفى

 

["شہــاه زنـــان"]

رد: اقري يا احلى البنات(بقلمي)

ررؤعه خيي صح السانك