أمس مريت عله بابك
بيه شوك دنيه مشتاكة لشوفتك
شفت روحي وين ما صدت
ووين مادارت العين يخطف خيالك
لعبتني ختيلة بمحبتك
وانه كلش اضم روحي بعباتك
واشم ريحة دفو
وبين النهد نكطة مسج
أصيح أفيش شكد أشتهيتك
وأنتَ تضك بالنهد عله وجهي
وأكلك ضك بعد يا بعد روحي ضك
دنيت شفتي لطارف اشفافك
حست بيهن مدبكات
لاهن عسل ويكظن
ولاهن تمر برحي ناسيات العثك
لفيت ذرعانك تريد تحظن
وانه اكلك بهداي دوخني مرج نهدك
شفت شامة اتربعت بكل وكاحه
لفيتها بطارف الساني
لطمني على شفتي حيل نمرك
كتله ياترف ليش التزمجر
وانه بيك مجنون ويسموني مجنونك
و بيه سولة بيك اشمشم
وتدريني بيك اذوب واتوسلك
لاتفك ذرعانك
خلني غافي ببحورك
وسيسني بنهر نهدك
يا طعم بيك للجوري طعم
وبيك الرازقي يحلف
تذكر من مشينه احباب
ومشابج الشفاه
جن طعم حلاوة خوز طعمك
حرت من وين اكظك
وكلك ترافة ،
واتفرفح حيل من اشبكك
ظمني بطارف الكصيبة
وخلني أفوج بنهر طيبك
فيض شما رايد تفيض
وغركني بحلاة ريجك
يانسمة فجر تتختل بدفو قلبي
اكرب حيل اكرب
خلي صوت البلابل يغرد
من بين صدري وصدرك
واتنفسك شكاكة مستحة
والخجل ظم روحه حدر الباط
من حس برجفات النهد
كب للسمه يشتكي شوغاتك
اعرف انه انسه كلشي من اشوفك
بس اتذكر حيل كلش اتذكر
من تحط وجهي عله ايدك
احس الدنية ضحكة طفل فرحان
أوف يا رعشت جفي بجفوفك
20/8/2014
العـ عقيل ـراقي
