يل صمتك رهيب وحير الكون
ما حب الصمت بس صمتك انته
ويل صبرك جبير ومنه مامشيوف
جزيت ايوب بصبره وعبرته
اشما كالوا عليك وخل يكولون
طبع بيها العواذل تنكتل سكته
شحلاتك من تهل وتشوفك العين
يلبعينك سحر بالكون ماشفته
انته لو مرة يمر بيك المريض
يمر بيه الفرح ويبره من علته
وانته لو لحظة يخلونك رئيس
ايتوحد هالشعب بشيعته وسنته
ياقمة وفه وتريده كل الناس
وكلبك بس اللي وللغير شفرته
ومن طيفك يمر ايكحل العين
ومن اكبل عليه بروحي صافحته
صارعت الحديد وماعرفت الخوف
وماهمك حديد وحيل تعبته
حقه المايعرفك بركان من تثور
جم عايل اجه ومندوم رجعته
صح انته صمت والصمت مو معناه
خوف ولاجبن معروفه سالفته
يا اصعب لغة وماتنقري بكتاب
صعب كلش صعب اكتابة ترجمته
منهوا ايترجمه ويفك رموز البيه
ذابوا من حلاته وداخوا بصمته
بقلمي
