لا تحجي بعد ياغالي وتلوم
مو صالح أبد واللـــه للحب
كَتلك من زمان وأبقى أكلك دوم
بكَلبي أحبك وأحجي ما أحب
أسولف للعشكَـ والسهر والشوكَـ
ضاع العُمر كله ويشهد الرب
من حرب لحرب خلصت دنياي
وعكس يوسف أنا ظليت بالجُب
ورغم هاي الحقيقة وهاي الالام
اتنسم هواه اويه الهوه الهب
وانا بنص الصحاري ووسط الاخطار
طيوفه ياطيوفه بــــيًّ تلعب
اخفي العشكَـ عنه وكلشي اخفيه
ويناديني الكَلب ما غيره يطب
باصوات الرصاص الكَاه موجود
مثل موسيقى همسه وتاخذ اللب
وبوهج المدافع لاسمه اشتاكَـ
يمن فدوه لوحيدي الناره تلهب
وارجع وابتسم والقهر بالروح
ومآتم من حزن بالروح تنصب
الفاكَد مُحب فاكَدله اكـــــوان
وانا بيدي فَكَدت العُمر والحب
....
بقلمي
الآن
التعديل الأخير:
