ستكون هناك خربطه في الموقع لمده ٢٤ ساعه او ٤٨ ساعه والسبب تحديث الموقع بالكامل لنسخه جديده لغرض اضافة خواص الذكاء الاصطناعي

أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هيّ بس چلمة ((شلونك))
كافيّه
********************
بحظني الچنت أدفيهم،،،،،ولفهم
جفوني وچني مو آنه،،،،،،ولفهم
ألف حسبه إسكنت گلبي،،،،ولفهم
والف لحظة وداع إدور بيه
 
شميت ريحت شوي كلت العشه معلاك
ثارى كلبي احترك من كثر مامشتاك
 
عنك انشغل هيهات والهه
وروحي الشوفتك يعزيز ولهه
الها اعظم اثر بالروح والهه
مهابة وشوفتك عندي هدية
 
ااااحاااا ينار جفاك سوتني ارماد
وبنفخه گام البين يشمرني ليغاد
 
حبي إلك مافد يـــــــــــــوم ينگص
أوليش الصاحب أمن ايغيب ينگص
زمن خل الحديد ابخشــــب ينگص
ويخلـــــــــــــي الماله اول بالثنيه
 
نام بحضان التحبه ولاتكوم....
تدري حضن البي وفه شكد دافي...
حتى لو صاحوك جنك مادريت...
طكها صفنه وسوي روحك غافي...
 
خايف اوصفك ذهب والذهب هم انواع
كل قطعه منه بسعر بس انت ماتنباع
وخايف اوصفك ورد وادري الورد خداع
انشوفه منظر حلو يذبل تراه بساع
صح انت عطرك ورد بس نكهتك نعناع
سبحانه رب العرش سواك من هالكاع..
 
بعد شيفيد عذرك والعمر فات
البوم من جانب شجرة من العطش مات
 
يجب تسجيل الدخول أو التسجيل كي تتمكن من الرد هنا.

الذين يشاهدون الموضوع الآن 0 ( الاعضاء: 0, الزوار: 0 )

Community platform by XenForo® © 2010-2026 XenForo Ltd.
Some of the sites addons were developed by Fortree Forums
| Add-ons by ThemeHouse
عودة
أعلى