مهلبية المانجا والقشطة
#مهلبية_المانجا #تحلية_باردة #حلى_صيفي
المقادير:
طبقة المانجا:• 2 كوب عصير مانجا
• 3 ونص معلقة كبيرة نشا
• 1/4 كوب مية
• 1/4 كوب سكر (وممكن تزودي حسب ذوقك)
طبقة القشطة:• 2 كوب حليب
• 3 معالق كبيرة نشا
• 1/4 كوب سكر (أو حسب الرغبة)
• رشة فانيليا
الطريقة:أولاً: طبقة المانجا
1 نذوب النشا في ربع كوب مية كويس.
2 نحط عصير المانجا مع السكر في حلة على النار، ولما يبدأ يغلي، نوطّي النار.
3 نضيف النشا المذوب مع التقليب المستمر لحد ما الخليط يتقل.
4 نصب الخليط في كاسات التقديم، ونسيبه يبرد ويتماسك شوية.
ثانيًا: طبقة القشطة
1 في حلة تانية، نخلط الحليب مع السكر والفانيليا، ونرفعه على النار.
2 نذوب النشا في شوية مية (لو مش مذاب) ونضيفه مع التقليب المستمر لحد ما الخليط يتقل.
3 نصب طبقة القشطة فوق طبقة المانجا اللي بردت.
4 نسيبها تهدى شوية، وبعدين ممكن نضيف طبقة خفيفة تانية من المانجا (اختياري).
التقديم:
نزين الوجه بقطع مانجا فريش أو مكسرات حسب الرغبة.
ندخلها التلاجة تبرد كويس، وتتقدم باردة.
وبالهنا والشفا
�
