- إنضم
- 5 أغسطس 2019
- المشاركات
- 135,257
- مستوى التفاعل
- 25,604
- النقاط
- 187
- الاوسمة
- 2
من تلگه العطش عالبوب
من تلگه التعب مكتوب
من اتضيع وترد للتراب اذنوب
ما ترتاح
عله عيونك تصاويرك تمر تابوت
كل عيون البنيات يغسلها الحزن وتموت
وي اخر حلم لليل نجمة اتطيح
مامش لون
بكل اوجوه المغربين خوف عيون
واتجيب الشمس چفك وتنسى تعيش
هنا مذبح هنا محراب
هنا ضحكة عيون اباب
هنا سكته المدن والخوف خنجر عالرگاب يطوف
واشفاف البعدها تحب تريد .. تموت
والدم يشرب من الگاع كل الناس
وانت وروحك ويالكاس
تعبر بيك الولايات مدري المن
مدري المن تريد تعيش
المن تكبر ظنونك
الوطن بالريح
كل الناس دمك وانت حزنك ناس
بس انت
بيك الدنيا تمشي وحزنك يردك
وبراسك النار ادور
يمتى اتثور
لونك بالسمه اجناحين
ضدك كلها وانت وحدك عين
ما تخلص الگاع ولونها بطينك
وحدك والشمس بثيابك وكل التراب احساب
ما تنعد
ولا تنرد
ولا تبرد
ابدي اكتب
وارسم حزنك وخل دمك يغني
وحدك والعيون تريدك اگلادة العمرها وعينك اگلاده
ولذة عين المرايات بس انت..
احمد فشلان الوائلي
من تلگه التعب مكتوب
من اتضيع وترد للتراب اذنوب
ما ترتاح
عله عيونك تصاويرك تمر تابوت
كل عيون البنيات يغسلها الحزن وتموت
وي اخر حلم لليل نجمة اتطيح
مامش لون
بكل اوجوه المغربين خوف عيون
واتجيب الشمس چفك وتنسى تعيش
هنا مذبح هنا محراب
هنا ضحكة عيون اباب
هنا سكته المدن والخوف خنجر عالرگاب يطوف
واشفاف البعدها تحب تريد .. تموت
والدم يشرب من الگاع كل الناس
وانت وروحك ويالكاس
تعبر بيك الولايات مدري المن
مدري المن تريد تعيش
المن تكبر ظنونك
الوطن بالريح
كل الناس دمك وانت حزنك ناس
بس انت
بيك الدنيا تمشي وحزنك يردك
وبراسك النار ادور
يمتى اتثور
لونك بالسمه اجناحين
ضدك كلها وانت وحدك عين
ما تخلص الگاع ولونها بطينك
وحدك والشمس بثيابك وكل التراب احساب
ما تنعد
ولا تنرد
ولا تبرد
ابدي اكتب
وارسم حزنك وخل دمك يغني
وحدك والعيون تريدك اگلادة العمرها وعينك اگلاده
ولذة عين المرايات بس انت..
احمد فشلان الوائلي
