أجلبنك يليلي وكلي صخونه

[ابو مناف البصري]

أجلبنك يليلي وكلي صخونه
مدري أعراض تيفو مدري كورنه
♕♕♕♕♕♕♕♕
أجلبنك يليلي وكل أمل ماشوف
شي ماتت صحيح وشي كتلها الخوف
لاكمامه فادت لانفعها چفوف
لاتعقيم.. لاتغسل بصابونه
♕♕♕♕♕♕♕
أجلبنك يليلي ألوكت شيعيده
خرب هذا وكتنه وصارت امچيده
إمسالم بالهوى محد يمد إيده
خايف من يمدها إلناس يعدونه
♕♕♕♕♕♕♕
إجلبنك يليلي وما يدفي الحاف
الگبل چان يتعنتر هسه گام يخاف
بعد مامش فواتح مامش إستخلاف
وحتئ الميت بسكته يزتونه
♕♕♕♕♕♕♕
أجلبنك يليلي واطحن برحه
فگره إلينشل وتچلب الگحه
إلدنيا تنگلب والأمن والصحه
إچتاف اتگول مجرم من يكضونه
♕♕♕♕♕♕♕
إجلبنك يليلي وچنت ماداري
وعلى گومك بعد لتلوم ياساري
أمس گحيت شال من الصبح جاري
إذا أصخن أضن ترحل الدربونه
♡♡♡♡♡♡♡♡♡♡
بقلم إبن الشطرة الأصيل لأديب والشاعر جميل الغالبي

 

[أم السادة]

...//
اختيار جميل
لكلمات اجمل ..
....//

 

[غزل..ᥫ᭡]

ـ
[BGCOLOR=rgb(204, 204, 204)]
سلمت الكفوف الطيبه
على هذهِ الاطروحه الرائعه
,رعاك الله
,*[/BGCOLOR]