أسولف لو ثجيل الحگ؟؟

[العـ عقيل ـراقي]

أسولف لو ثجيل الحگ؟؟
اخاف اتكول رافض
واليحب البيت باهل البيت يتعشگ

مُحَمّد بالوداع اشگال؟؟
موش اعلنهه طگ بطگ؟
رفع چفه وندب باسمه
علي الآية .. علي الراية..
علي حلمه البحر واغمگ
علي هارون من موسى..
وهبوب عذيبي من يشهگ
علي انطر له جدار البيت
ولطوله الگمر دنگ
علي بيرغ وفه وتيار
والاف البيارغ لو وگع تنشگگ
وين الحگ ؟؟ خل نتمايز ويه الحگ
يا هو الوهب ثوبه ورگّع الفتّگ
علي نش الزلم جدامه نش البگ
علي شمعه.. علي دمعه.. علي فرحه..
علي كبل الخلگ مَخلگ
يا عيد المثل ها العيد
يا سيف التطوه بركبته اتخندگ
ثجيله حجاية الوجدان
والگصه طبعهه من الخجل تعرگ
وشاراتك علي بكل حين
چم ناحب خبيث ابحضرته اتعلك
ارد الصوت جلمة حگ
كلمن عاده ابو الحسنين
الف نعله اعله ابيه منين ما نَتگ
واذا حبك حبل يگطع هوه الزردوم
انه اول حبيب بحبك امعلگ..


من التراث الشعبي
لا اعرف شاعرها..

 

[✿قہہمہہر✿]

رد: أسولف لو ثجيل الحگ؟؟

رووعة حيل

 

[mohammed.shams]

رد: أسولف لو ثجيل الحگ؟؟

دُمتَمْ بِهذآ الع ـطآء أإلمستَمـرٍ يُسع ـدني أإلـرٍد على مـوٍأإضيعكًـم وٍأإألتلـذذ بِمـآ قرٍأإتْ وٍشآهـدتْ تـقبلـوٍ خ ـآلص احترامي لآرٍوٍآح ـكُم أإلجمـيله

 

[ناطق العبيدي]

رد: أسولف لو ثجيل الحگ؟؟

[font=&quot]بارك الله فيك اخي الطيب المبدع البديع..على الطرح الطاهر النبيل[/font][font=&quot]...
[/font][font=&quot]أبدعت بالمفيد[/font][font=&quot]..[/font][font=&quot]لك سلامي و تحيتي[/font][font=&quot][/font]

 

[العـ عقيل ـراقي]

رد: أسولف لو ثجيل الحگ؟؟

شكرا لكم احبتي
لجميل حضوركم
وطيب عطركم
كل الاماني
عقيل العراقي

 

[قيصر الحب]

رد : أسولف لو ثجيل الحگ؟؟

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي