السلام عليكم ورحمة الله وبركاته
اخوتي واخواتي الكرام
اعود اليكم وحلقه جديده من انتقادات لسان الشعب
وهي الظاهره السلبيه الي تكلمت عنها الحلقه السابقه واليوم الجزء الثاني
الـ " ت خ ل ف "
مثل مذكرنه انه أربع حروف بس .. تهجم بيوت وتدمر الف علاقه وتغير نظرة الناس للشخص ١٨٠ درجه
التخلف للاسف وباء انتشر في كثير من العقول
والتخلف ميتحدد فقط بشي واحد
الطائفيه؟ تخلف
الجهل ؟ تخلف
المشاكل؟ تخلف
الخيانه؟تخلف
الابتعاد عن الله سبحانه وتعالى ؟تخلف
النفاق والاستعجال بالكلام ع المقابل؟تخلف
تكلمنه عن الطائفيه والجهل
اليوم رح نتكلم اولاً عن المشاكل
المشاكل اغلبها تكون ع اشياء اقل ما يقال عنها انها تافهة لو بس نحكم عقلنه ونفكر متصير اي مشكله
دائما يكون التصرف بهمجيه وعود هو عصبي ويدور عركات وبس تصير صدگ عركه يسد السالفه
ليش دائماً متنحل المشكله الا توصل لهيج مرحله
شنو اليسوه اخسر اخ اخت گرايب واضيع عشرة سنين او ازعل امي وابويه
تره ماكو شي يسوه صدگوني
هسه الموده مال المشاكل شخص يحب وحده والثاني كذلك
يتعاركون بينهم عليها
اياً كانت منو هي عيب يتخاربون اصدقاء ع مود بنيه وتاليهة تطلع متريد اي احد منهم
لو اخ يتعارك ويه اخو ع ميراث البيت لك انت ابوك او امك راحو بعد يا ورث يا فلوس خلي ايدك بيد اخوك حتى يبقه بيت اهلك مفتوح مو تهدو وتهدون ويا كل سنينكم
وابسط شي البارحه بتكسي راد يصير حادث بسيط التكسي الاني بي سايق شاب والسياره الثاني رجال جبير
الرجال گله روووح وشمر بأيده
الشاب خطيه انجرحت كرامته بهالكلمه وكام يغلط ويريد يتعارك ويه هالرجال
لك دحترم الشيب البراسه متخجل متكول بعمر والدي تره ماكو هيج عقول والله
يعني الشباب بهالوقت من ناحية العركات عذراً ع اللفظ وصلو مرحلة من الاستهتار متنوصف
شويه حكمو عقلكم لتخلون مشاعركم او عصبيتكم تسيطر ع تصرفاتكم لان دائماً ميكونون ع صواب لكن تهده وتفكر صح العقل رح يكون قراره صحيح
.
.
.
نجي هسه ثانياً وهي الخياانه
كلنه نعرف الخيانه شيء عظيم بكثر ما هو خطأ وشي اعظم بكبر ذنبه
بس ماشاء الله هسه الشباب اليخون تشوفه عبالك ماخذ جائزة نوبل او داخل موسوعة جينيس
هو وعضلاته يمشي نافخ نفسه ميدري حشاكم هو مزفت من ساسه لراسه
ويفتخر بالي سوا
اني متزوج بس لازم الواحد يجرب كل الفواكه
لك لخاطر ربك بعرض ازياء انت وتجرب كل شي بس فهمني
عرض الناس لعبة عندك
الي يروح يضحك ع بنات المتوسطه ولو هسه الله سبحانه وتعالى ميجرعهن بمصايبهن وطبعاً مو الكل
بس مو معناها بنيه مو زينه اذن خلص عادي احجي واخون الي مأمنتني ع نفسها وصاينه شرفي وبيتي ولو بحرف ويه هيج بنات او حتى لو قمه بالاخلاق
خلص مدام صارت بذمتك بنيه خلص يا اخي ماكو شي يخليك تخون او حتى تتزوج بالحلال
اكو شروط لهالشي
والكارثه هو يحجي ويكول زوجتي شاعلتلب اصابعها العشره شمع وبنت عائله واخلاق
لككك فهمني لعد شبيييك احول فدوه اروحلك
بنيه تصونك وتحفظ بيتك وشرفك تروح تخونهة ويه حثالة المجتمع
مهما تكون ف هي حثاله وعذروني ع هاللفظ لان الي تحجي ويه شخص وتدري بي متزوج وتسوي علاقه حب ويا ف هي حثاله
هاي ع الزواج لان هو اهم
لان اذا ع الحب ف ع الدنيا السلام
حب هالوكت صار بس احبك احبج وهالكم كلمه ومع السلامه وثاني يوم يحب وحده ثانيه او يتهيأله انه حب وحده ثانيه لان ميتسمه حب هذا
عمر الحب مجان بالكلام
شوهو صورته ودمرو كل موازين العشق والغرام والاحاسيس والمشاعر
الا القليل بعدهم محافظين ع صورة الحب الصحيحه
يمشي واحد يشمر ارقام ويكلها احبج
وهي بكل رحابة صدر تاخذ الرقم وتگله اخذته لان حسيتك خوش ولد وحبيتك
هنا طبعاً بوكتها اذا تذكرون جانت مباراة اعتزال ابليس وجماعته
كرهونه حتى بالحب والله العظيم حب من اول دگه هاي مصايره
حب من اول لايك تره هم واگفه والله عيب ليا درجه من التخلف وصلنه حتى بالمشاعر والاحاسيس صارت عنده
ارتقو واحترمو مشاعر المقابل وخلو قيمه لمشاعركم وقدرو النعمه الي بأيدكم لتطير منكم وترجع تتندم وتذب اللوم ع الزمن والحظ وتنسه انه كله من وره مصايبك او مصايبج
وبنهاية الحلقه عندي اربع اسطر كاتبهن بداية اغنيه راب عن هالجزء
اتمنى تنال اعجابكم
ياناس يعالم بس اسمعوني دقيقه ارد اسولف ع العشگ
الي صار اليوم احبج باجر لازم نفترگ
اني احبك اني اريدك انت عمري وكل حياتي
انت قلبي انت نبضي انت حبي لحد مماتي
بس حجي صار الغرام والجذب هم بالمنام
كافي بطلو هالسوالف خلو الحب بس ع السلام
ولكم كل الاحترام والتقدير اعزائي
دمتم بحفظ الرحمن
نورني في الصفحه الخآصه بالموضوع
هًنآ لِسآنْ ألشَعَبْ
اخوتي واخواتي الكرام
اعود اليكم وحلقه جديده من انتقادات لسان الشعب
وهي الظاهره السلبيه الي تكلمت عنها الحلقه السابقه واليوم الجزء الثاني
الـ " ت خ ل ف "
مثل مذكرنه انه أربع حروف بس .. تهجم بيوت وتدمر الف علاقه وتغير نظرة الناس للشخص ١٨٠ درجه
التخلف للاسف وباء انتشر في كثير من العقول
والتخلف ميتحدد فقط بشي واحد
الطائفيه؟ تخلف
الجهل ؟ تخلف
المشاكل؟ تخلف
الخيانه؟تخلف
الابتعاد عن الله سبحانه وتعالى ؟تخلف
النفاق والاستعجال بالكلام ع المقابل؟تخلف
تكلمنه عن الطائفيه والجهل
اليوم رح نتكلم اولاً عن المشاكل
المشاكل اغلبها تكون ع اشياء اقل ما يقال عنها انها تافهة لو بس نحكم عقلنه ونفكر متصير اي مشكله
دائما يكون التصرف بهمجيه وعود هو عصبي ويدور عركات وبس تصير صدگ عركه يسد السالفه
ليش دائماً متنحل المشكله الا توصل لهيج مرحله
شنو اليسوه اخسر اخ اخت گرايب واضيع عشرة سنين او ازعل امي وابويه
تره ماكو شي يسوه صدگوني
هسه الموده مال المشاكل شخص يحب وحده والثاني كذلك
يتعاركون بينهم عليها
اياً كانت منو هي عيب يتخاربون اصدقاء ع مود بنيه وتاليهة تطلع متريد اي احد منهم
لو اخ يتعارك ويه اخو ع ميراث البيت لك انت ابوك او امك راحو بعد يا ورث يا فلوس خلي ايدك بيد اخوك حتى يبقه بيت اهلك مفتوح مو تهدو وتهدون ويا كل سنينكم
وابسط شي البارحه بتكسي راد يصير حادث بسيط التكسي الاني بي سايق شاب والسياره الثاني رجال جبير
الرجال گله روووح وشمر بأيده
الشاب خطيه انجرحت كرامته بهالكلمه وكام يغلط ويريد يتعارك ويه هالرجال
لك دحترم الشيب البراسه متخجل متكول بعمر والدي تره ماكو هيج عقول والله
يعني الشباب بهالوقت من ناحية العركات عذراً ع اللفظ وصلو مرحلة من الاستهتار متنوصف
شويه حكمو عقلكم لتخلون مشاعركم او عصبيتكم تسيطر ع تصرفاتكم لان دائماً ميكونون ع صواب لكن تهده وتفكر صح العقل رح يكون قراره صحيح
.
.
.
نجي هسه ثانياً وهي الخياانه
كلنه نعرف الخيانه شيء عظيم بكثر ما هو خطأ وشي اعظم بكبر ذنبه
بس ماشاء الله هسه الشباب اليخون تشوفه عبالك ماخذ جائزة نوبل او داخل موسوعة جينيس
هو وعضلاته يمشي نافخ نفسه ميدري حشاكم هو مزفت من ساسه لراسه
ويفتخر بالي سوا
اني متزوج بس لازم الواحد يجرب كل الفواكه
لك لخاطر ربك بعرض ازياء انت وتجرب كل شي بس فهمني
عرض الناس لعبة عندك
الي يروح يضحك ع بنات المتوسطه ولو هسه الله سبحانه وتعالى ميجرعهن بمصايبهن وطبعاً مو الكل
بس مو معناها بنيه مو زينه اذن خلص عادي احجي واخون الي مأمنتني ع نفسها وصاينه شرفي وبيتي ولو بحرف ويه هيج بنات او حتى لو قمه بالاخلاق
خلص مدام صارت بذمتك بنيه خلص يا اخي ماكو شي يخليك تخون او حتى تتزوج بالحلال
اكو شروط لهالشي
والكارثه هو يحجي ويكول زوجتي شاعلتلب اصابعها العشره شمع وبنت عائله واخلاق
لككك فهمني لعد شبيييك احول فدوه اروحلك
بنيه تصونك وتحفظ بيتك وشرفك تروح تخونهة ويه حثالة المجتمع
مهما تكون ف هي حثاله وعذروني ع هاللفظ لان الي تحجي ويه شخص وتدري بي متزوج وتسوي علاقه حب ويا ف هي حثاله
هاي ع الزواج لان هو اهم
لان اذا ع الحب ف ع الدنيا السلام
حب هالوكت صار بس احبك احبج وهالكم كلمه ومع السلامه وثاني يوم يحب وحده ثانيه او يتهيأله انه حب وحده ثانيه لان ميتسمه حب هذا
عمر الحب مجان بالكلام
شوهو صورته ودمرو كل موازين العشق والغرام والاحاسيس والمشاعر
الا القليل بعدهم محافظين ع صورة الحب الصحيحه
يمشي واحد يشمر ارقام ويكلها احبج
وهي بكل رحابة صدر تاخذ الرقم وتگله اخذته لان حسيتك خوش ولد وحبيتك
هنا طبعاً بوكتها اذا تذكرون جانت مباراة اعتزال ابليس وجماعته
كرهونه حتى بالحب والله العظيم حب من اول دگه هاي مصايره
حب من اول لايك تره هم واگفه والله عيب ليا درجه من التخلف وصلنه حتى بالمشاعر والاحاسيس صارت عنده
ارتقو واحترمو مشاعر المقابل وخلو قيمه لمشاعركم وقدرو النعمه الي بأيدكم لتطير منكم وترجع تتندم وتذب اللوم ع الزمن والحظ وتنسه انه كله من وره مصايبك او مصايبج
وبنهاية الحلقه عندي اربع اسطر كاتبهن بداية اغنيه راب عن هالجزء
اتمنى تنال اعجابكم
ياناس يعالم بس اسمعوني دقيقه ارد اسولف ع العشگ
الي صار اليوم احبج باجر لازم نفترگ
اني احبك اني اريدك انت عمري وكل حياتي
انت قلبي انت نبضي انت حبي لحد مماتي
بس حجي صار الغرام والجذب هم بالمنام
كافي بطلو هالسوالف خلو الحب بس ع السلام
ولكم كل الاحترام والتقدير اعزائي
دمتم بحفظ الرحمن
نورني في الصفحه الخآصه بالموضوع
هًنآ لِسآنْ ألشَعَبْ
