أنزل عن غرورك خاطر أحچي أوياك
من وكتك دقيقه أنطيني مــــو أكثر
لو تصعدلي (جــــوه) لو أنزلك فوگ
ياهي أتريد انت أبكيفك أمخير
واجب صار أنصحك لأن وصلت بيك
حتى أگبال روحك گمـــــت تتكبر
لاتنــــــغر أبدنيا ويومها أبوجهين
كل 12ساعه أبوجـــــــــه تتغير
شما شلت خشمك تبقى فوگ الگاع
واتبوگك سنه أعله الشمس من تفتر
لو چانت الك باچر عليك أتصير
أحذر من غدرها أشكثر ماتگدر
دنيا أبلا وفـــــــــه ومبنيه عالغايات
والانسان ينذل بيها لو عـــــــــمر
صحيح الدنيا حلوه وتخدع الانسان
دنيا أبعين زرگه وشعر لونه أصفر
بس ويله التبعها وحبها حد الموت
ويله الي ابحسنها أبيوم يتأثر
حب الدنيا أبد ما فاز بيه أنسان
ياهو الي يحبها أتوز عليه منكر
گبلك أيست من چنت بيها أزغير
من شفت الضماير بيها تتأجر
لحگ عالهدمته وهسه گوم أبنيه
لتفوتك الفرصه وتبقى تتحسر
أكشخ بالتواضع من تمر عالناس
وأتعطر أبسمه أشما شفت محظر
بالعيني وأغاتي وحاضر وممنون
تحتل كل گلب مليان غل وشر
لآخرتك سفر حضر متاعك زين
مو تحتاج كلشي أبوگفة المحشر
لاينفع أخو لا أبن لا أموال
بس جاه العمل وياك يتقدر
السيد خالد الغالبي
من وكتك دقيقه أنطيني مــــو أكثر
لو تصعدلي (جــــوه) لو أنزلك فوگ
ياهي أتريد انت أبكيفك أمخير
واجب صار أنصحك لأن وصلت بيك
حتى أگبال روحك گمـــــت تتكبر
لاتنــــــغر أبدنيا ويومها أبوجهين
كل 12ساعه أبوجـــــــــه تتغير
شما شلت خشمك تبقى فوگ الگاع
واتبوگك سنه أعله الشمس من تفتر
لو چانت الك باچر عليك أتصير
أحذر من غدرها أشكثر ماتگدر
دنيا أبلا وفـــــــــه ومبنيه عالغايات
والانسان ينذل بيها لو عـــــــــمر
صحيح الدنيا حلوه وتخدع الانسان
دنيا أبعين زرگه وشعر لونه أصفر
بس ويله التبعها وحبها حد الموت
ويله الي ابحسنها أبيوم يتأثر
حب الدنيا أبد ما فاز بيه أنسان
ياهو الي يحبها أتوز عليه منكر
گبلك أيست من چنت بيها أزغير
من شفت الضماير بيها تتأجر
لحگ عالهدمته وهسه گوم أبنيه
لتفوتك الفرصه وتبقى تتحسر
أكشخ بالتواضع من تمر عالناس
وأتعطر أبسمه أشما شفت محظر
بالعيني وأغاتي وحاضر وممنون
تحتل كل گلب مليان غل وشر
لآخرتك سفر حضر متاعك زين
مو تحتاج كلشي أبوگفة المحشر
لاينفع أخو لا أبن لا أموال
بس جاه العمل وياك يتقدر
السيد خالد الغالبي
