أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تسأل ليش ضايج لو نمت مقهور
وتسأل ليش تبجي ومختلف لونك
صير انت ابمكاني تعيش بين الناس
وولا عندك حبيب يكلك شلونك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

و اثاري الصدگ ما مريود

عزيز الشيب عد اليكره الظلمه




عباس الغالبي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

نرد خل للطفوله ونشعل الفانوس
ونعيد الماضي ذاك وذكرياته
شحلاتك يازمن ماتعرف الغش
على الطيبه البشر عايش حياته
بحنان وصدك جانت عايشه الناس
وجان الجار للجار شغلاته

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عودتني؟

واعدتني
تالي من ردتك ،،، مشيت وفارگتني!!!!

ليش كل عمري اكابر

حتى اعيش متاني باچر

وهو باچر ، بلا عيونك شنهي لذته

وهو گلبي ، بلايه حبك شتسوه دگته

اي وحگ حبي التركته

(موتتني)


جبار رشيد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

نيانة لغز والخافيات أهواي
الگمر يطلع بس محد أيفهمة
زغيره أمرايتك والناس عدهه أعيون
وشيفيد النظر كون الگلب يعمة
دليني عليك أستاهدك وياي
من گام الظلام أيتيه النجمة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جنت اضحك واسولـف ويا هذا وذاك
على غفلة ولگيت الناس. كلها جــور
طرت بجناح واحد للفرح فد يـوم
شو حتى الفرح ردني بجنح مكسور
ضيعت البـخت . وانه الجنت محـــظوظ
حتى ويا العــشك ما عشت لحظة بنور
يا كَلبي شكثر عذبـتك انت ويـاي
احس كَلبي على كَلبي من الحزن مفطور

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بكيفك تجي ما تجي
بكل حال اگلّك هله
تذكرني صاحب فضل
تنساني مو مشكله
عندي نقاوة طفل
بس للأسف واجهت
قسوة گلب حرمله

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ارجوج حلي الشعر
خاليترس الچتفين.
والگذله فوگ الرمش
شيليه من العين.
وزلوفچ اطوال التون
خيمن عالخدين .
ادريچ حلوه صدگ
بس ارد اشوفچ زين.

فاضل غضبان

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اااا ڪون ما تنـطيني من عــدهه ويــاك
چاااا الله الـمن حـاطـلك غمـازه