أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

باجر يثور الشعب والدم يثور

وحتى لو ينباگ دمنه
( دم الي اطيح اعله كاعه يطش بخور)

باجر نعطر بلدنه
(باجر من انموت نعدل يم ولدنه)

باجر التحرير يضحك والوطن يرجع بدينه
(باجر حسين بعباته يصلي بينه)

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مساء الخيــر والثـــوره
مساء النــور والـقدره
مسائك بسمـك ابــلادي
عراقي وعاشگ الحــرة
مسائك وعــي يبــلادي
مسائك يشطب الحُــمـرة
مسائك خضـر يبــلادي
مــن دهـــوك للبــصــره

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ما تبارينه الذمم مو عدله هاي
ولاتسلامنه حبيب بجف حبيب

شباقي من سوالفك وشظل وراي
هجي تنهيها غريب بسد غريب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ها يـ أخوتي ،
الثوره تتعنى السباع ، المالحين ،
اليشترون الموت وينذرون گبل الصوت شفه

ها يـ أخوتي ،
الثوره للضايع خبزهم موش للوادم الترفه

ها يـ تربات الشرار ،
السكته كلفه

والضمير ''أهلال عيد'' شلون يطفى ،؟

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏باﭼـر
هلبت الصفصاف ماينذم

باﭼـر
بلكي الازرگ مايهب ع الروح
ونكتر رفيف الدم

باﭼـر
بلكت انرد للورد رفگان
خلصناها بالعاگول نتشيم

باﭼـر
كون يتوضى الشفاگ بماي من زمزم

باﭼـر بالوطن نحلم
هلبت بالوطن نحلم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يدرون ياموطّني
شَبانك التنكتل نقطة ضعف عندك

بس وحگ كلمن وگع
باچر يدور الوكت ونجيب حگ ولدك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ردت اسألك موطني ..
اهل الكراسي عرف؟
يقربولك من الجذر ..!
بيكم قرابة دمةة ..؟!
زين العمايم شكووو؟
شو بلسياسة بطت ..!
چانت قبل للفقر ..
هسة ع خيرك صفتت .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

منريد النسوان التطلع
مستورات تضل نسواني
انة عراقي وزلم بگاعي
واسف ياشعب اللبناني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

فوگ النار نطب ونچيت ..
انة الحي .. رصاصك ميت ..
شيخ وناكتها الخاچيتي ..
يم ذولاك الباگوا بيتي .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اجس گلبي الوفي متعوب حد الويل
وادعيله الصبر عن لا يفشلني


عريان السيد خلف