أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

حبیبی اعلیک دمع العین هامال
ملت انته وزمانی اویاک هامال
فدیتک هم جسد هم روح هامال
وانته ابشوفتک تبخل علیه

 

[mohammed.shams]

المرحوم ملا فاضل السکرانی المعروف ب امیر الابوذیه فی الحواز ایگول
علامه الگلب صایر بی بطین
علا السمره الطویله المشت بطین
چنت ارمی وطیح طبگ بطین
وهسه الطایح ایطیر امندیه

 

[mohammed.shams]

وفيت وياك لاخر نفس بس مر
جفيت وصبح بالدلال بس مر
عشرتي وياك بالحيطان بس مر
وصفت حيطان گلبي للاذيه

 

[mohammed.shams]

ماكو مثلج عاشگتني بهالحياة
الله حط كل المحنه بشيلتچ
يمه عيد الحب ألج مو للبنات
ﻻن ماعدهم وفاچ وطيبتچ ؛؛؛

 

[mohammed.shams]

مو نصين كاتبلك. . الف نص
وتگطع گلبي بفراگك .. وألف نص
اضمد شويه من جرحي ..وألف نص
ويطيب الباقي بس اتمر عليه

 

[mohammed.shams]

ابتلينه بدنيه غبرة وبخت مايل
وابتلينه بصحبة جذبة وعشك فاشل
وابتلينه بدنيه جابت بس مشاكل
وابتلينه بكلب صافي جنه جاهل
وابتلينه بعين صلفه وبخت مايل
دنيه بينه تمشي سرعة وماكو نازل

 

[mohammed.shams]

انــا بعــازت ملـح… فـاهي الـوكت ويــاي..!!!

 

[mohammed.shams]

اجه شامت بهجرك غشه وجهه وفات
كاتب على هدومه ايس احسلك

 

[mohammed.shams]

لتعب النده وتقنعه ينزل يـــــــوم
من جف النده ماترتوي الصحره
احتمال الصحه وارد تتهم منشار
على اقل تقدير گاطع ركبة الشجره
من تقبل الذل بالقمه ناصي اتصير
ومن ترفض سمو لو عايش بحفره
ماطول بعد يتشتت الموضـــــوع
اكــــــو وجهة نظر من تنولد فكره
التاريخ بمزاج اليكتب التاريـــــخ
نهر شيل الجرف يتغير المــــجره

 

[mohammed.shams]

دگ صدره النهر : روج اعله الجروف
و شد الرايه فوگ اشفاف عطشان ..
صحت بالصحره ، چا ردلي الصده امنين
غفه البسمار بيدي و ماكو حيطان ..
الوگفه اعله الغصن تخلق خلافات
ابهجرتهه الطيور اتشوفهه أخوان ..
عراق : الغيمه كلما سومرت خير
مادام الفلح نيّتهه گيعان .