"|" إبنْ آلعِــرآق "|"

[ذوق]

يا أبــــن العـــراق

نفس الصار امس شو كاعد ايصير
هم غابــة صفــت والحارس ايبوك
كلهـــم مــن اجونـــة بصفة تغير

شنهــو التغيــر ضاعـــــت احكوك
سهلة الطفل عدنة يموت هاليوم
خبر عالشاشة يطلع لحظة ويروح
عدنــة النـوم نفسة ايحارب النوم
لأن يــدري الحلــم بالعين مذبوح
كلمن عندة كرسي ايكول ماكوم
بعــد خلــي المواطــن اكثـر ينوح
اخويــة الي ذبحني بدون تفسير
وابــن عمــي اليريد ايبوك كركوك
ويــن العنـــدة غيــرة انريد تحرير
الوطـن سلعة صبح ينباع بالسوك
جبت عمــرك تعيــش بخير بغداد
ماشفــت القتـــل والذبح والموت
العلـــم غيرتـــة ملــح الزاد مافاد
تريد النــوب بيتـي تبوكة بسكوت
علة احـدودك امس وكفونة تعداد
الماعنـــدة كفالـــة اتكلـة متفوت
حــط بالــكاع رجــلك بالـــك اطير
عدنة رجال تـدري وتدري يسبوك
دكافي من الفتن بس كاعد اتثير
تـــرة الاتـــراك وصلــو طبو دهوك
مـــو شغلـــة شماتــة حاشا لله
انت بدونــي تعـرف ريشـة بالريح
واذا جنحـك علـة يعني اني علاه
وتعــرف بـس اعوفك رأسن اطيح
خيــرك هــذا خيــرك ياهــو سواه
امس حتى الهوى لبكاعك شحيح
وبالك لاتطيـــح وتــــدري بالبيـــر
تضيـــع بنصــة ماظــن بعد يلكوك
واذا اتحشـم علية امريكا شيصير
اظل ابـــن العـــراق ومايفيـــدوك
اظل ابـــن العـــراق ومايفيـــدوك

..

لِـ آلأمـآنة // منقول
​

 

[حكاية روح]

رد: "|" إبنْ آلعِــرآق "|"

شكرا ع روعة الاختيار
منورة القسم
احلى فايف ستار

 

[F I R A S]

رد: "|" إبنْ آلعِــرآق "|"

اللهم يفرج كربنا
ويحفظ العراق و اهله
رائع عزيزتي
جزيل الشكر لكِ

 

[ذوق]

رد: "|" إبنْ آلعِــرآق "|"

زَهْرةُ آلمُنتدى

كُلّ آلشُّكرِ لِـ نورِكِ الّذي غطّى أركـآنَ مُتصفَّحي

آلنّورُ نوركِ يَ غـآلية


​

 

[ذوق]

رد: "|" إبنْ آلعِــرآق "|"

فِـرآسْ

الّلهُمّ آمينْ

آلأروعُ حُضوركَ

كُنْ بِ أمـآنٍ


​

 

[قلب شجاع]

رد: "|" إبنْ آلعِــرآق "|"

سلمت الايادي الطيبة
في الابداع والتواصل المستمر

تحياتي​