إلى من صعدوا على أكتاف غيرهم // بقلمي
چنت اعلمه من الزغر رمي السهام
شلون يرميهه ...ولا يخطي الهدف
گتله من توگف .. عدل ...لا تحني راس
احني قوسك حيل .. إذا صيدك خطف
هواي انطيه صبر… خلك حليم
والزم أرضك ..لا يحس عندك وهف
مثل فرضه وشعيرة... افتحهه زين
عينك... تغدرك إذا جفنك رجف
كون جدمك ثابت ...وما بيك خوف
خلي صيدك يرتجف مثل السعف
وقيس سهمك ..شوفه يوصل للطريد ؟
لو يقصر ...زحمه لو سهمك وكف
ومن كبر تلميذي ...بصدر العلماه
خله سهمه ....وبيده زتاه للنجف !!!!!!!!!!
******************
يگضي عمره ..يبقى ناكر للجميل
ولو بذل عمره ابد ميوافي
من صعد يدريه من زودي الصعود ؟
اثر جدمه مبين أعله چتافي
يمسح آثار الدجل من چتفي ليش ؟
شنهو حسباله ...شيظني...غافي ؟!
انه ساكت.. واليسكت حلگي طيب
منبعي.... ومعروف اصلي.. صافي
وافتخر لو يمر من يمي... ذليل
مدنگ الهامة يمرني .... وكافي
