اجمل قصيده شعبيه للشاعر ايهاب المالكي - تسئلمن

[յαšmïηε ςαﾚm»❥]

[sor2]http://www.qqq4.com/u/3d040814140715003551.jpg[/sor2]

تسئلمن
تسئلمن علية او وين تلكاني
انه بدمع عينك صار عنواني
بعد دمي علجفك وانته بس متهوم
وبسيفك بعدهن وصل شرياني
اخذت حجايتك عن مثل باب وريح
من ذاك الوكت سديت بيباني
انه زعلان بس مو مثل زعلي الراح
مااقبل بعد ينكسر حلفاني
زرعتك بيدي صح حد ماصرت بستان
بس هسه انتهينه وجنت بستاني
انه السورت روحي بكبر سور الصين
مو طابوك جرحك حجربنياني
شسولفلك تريد ؟احجيلك شسويت ؟
بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني
انه الشجرة العفتهه بوكت شح الماي
وجفوف الغرب كسرت عوداني
سكف روحك جنت فيك ابصدري ايصير
بردت روحك وذبيت عمداني
بعد ماحب ورد مزروع يذبل خاف
او ينكطع ممكن بيد عدواني
صح ورد الصناعي من ورق مصنوع
بس سهلة من اعوفهه وسهل ينساني
انه ميت كبل لاموت مثل الناس
بس احفظ اسراري الوكت خلاني
متت موتت شعر عد شاعر اخر س صار
لايقراني غيرة ولاهو يقراني
انه تمثال هم تنمحي بظلة نجوم
انه نحاة جرحي وصرح سواني
اشكثر مرّو ابصفي شكثر فاتت ناس
بيه تنادسو من جتف للثاني
ربك ماكطع وكفت جروحي وياي
انعه جروحي مرة ومرة تنعاني
انه شاعر ولكن عللشفته وياك
كمت اضحك بصوت بوجه ديواني
انه مملكتي كاغد واعتزلته التاج
من كامت عليه تصول فرساني
انه عدة ايام الباقيات وياي
ومنيشن مجاني وجهز دفاني
كون المثلي هسة يشوف حاله شصار
مو كاعد اكتبلك شعر وجداني

 

[الامبراطور]

رد: اجمل قصيده شعبيه للشاعر ايهاب المالكي - تسئلمن

متت موتت شعر عد شاعر اخر س صار ​

​

لايقراني غيرة ولاهو يقراني ​

الله الله
جميل جدا كيف لا وهو لاحد عمالقة الشعر الشعبي​

 

[داليا]

رد: اجمل قصيده شعبيه للشاعر ايهاب المالكي - تسئلمن

انه زعلان بس مو مثل زعلي الراح
مااقبل بعد ينكسر حلفاني
كلمات رائعة ولامست احساسي
دمتِ بخير غاليتي

ولكِ مني كل الشكر والتقدير على الابداع

 

[✿.Σнѕαѕ.✿]

رد: اجمل قصيده شعبيه للشاعر ايهاب المالكي - تسئلمن

كلمات رائعه

ودي لك

 

[سر الغرام]

رد: اجمل قصيده شعبيه للشاعر ايهاب المالكي - تسئلمن

كلمات روعة
وجميلة
مانحرم وردة

 

[յαšmïηε ςαﾚm»❥]

رد: اجمل قصيده شعبيه للشاعر ايهاب المالكي - تسئلمن

اسعدني وجودكم
تسلموو ع المروور الذووق