اجه العيد..

[العـ عقيل ـراقي]

كالو عيد ..
وفرحنه وي الناس
وغسلنه ملابسنه القديمة
ولمينه كلشي ينباع
وبعناه وسدينه الباب
ما خلينه حتى الذكريات
شلنه كل حصران البيت
وبدلنها بنفسها بس خاليه
من التراب.. المهم ما ننعاب
كحلنه اعيونه برماد
وفركنه اخدودنه
جانت امكركفة
والمشك ماكلها اسنين
ولبسنه اهدومنه المغسولات
ورحنه ندك باب باب
نعيدهم فرحانين
اجانه العيد
بس سجلنه فرح غياب
كلناله عم فرح
احنه ها ليش سجلتنه
من الغايبين
كال انتو فقره
وعمر الفرح للفقرة
ما دك باب
ردينة وبالجفوف ادموع
وحسينه الواهس مات
جنه نعرف ما مش واهس
بس بالعيد ظنينه
الواهس يرد من اجديد
لكيناه بنعش الموت
ويدورنه احباب
خلصانه الموت
وصار واهسنه الموت
يوم الي ما يمرنه
نحس بروحنه اجناب
وشكثر زفينه شباب
وشكثر نمنه بين الكبور
وحطينه عله الكبور التصاوير
ورشينه الماي وبالروح عطاب
ويامه ظفاير انكصت
والحزن فرهن بدولاب
بس بينه طبع من الكاع
ما نذل ولا نطخ الراس
شكثر احروب من عدنه خذت
واجانه طاعون الارهاب
بس نبقه حيين
ونبقه نوزع على الناس
فرح وكاسات حنه
وجكليت وهلاهل
وبدينه يصفه صم اتراب
نلوم الروح لو يوم جلت
وبين بيها التعب
وشكثر ظم الليل بهندسه
للروح اعتاب
اجه العيد..
وريته ما اجه ومر
يفتك علينه اجروح يابو اجروح
وبس احنه من دون الوادم
نعيد بين الكبور
وعيديتنه نشتري بيها
للميتين ثواب
كلها تفرح بجيت العيد
واحنه عله الروس انهيل تراب
جذاب يا عمي فرح
ما مش عيد
واحبابنه نامو بسرداب..1



1/السرداب هو مقبرة صغيرة تلم افراد عائلة معينه
06/01/2015
العـ عقيل ـراقي





​

​

 

[المشتاق]

رد: اجه العيد..

[size=+0]

بسم الله الرحمن الرحيم


أخي الكريم والشآعر الكبير

​

عقيل العرآآآآآآآآآآآآآآآآآقي

سلمت يدآك للوحة الجميلة والرآئعة
والقلآدة السآحرة
{{ إجه العيـــــــــــــــــــــــد }}

إجه العيد بس إحنه ما عيدنه ولا شفنه العيد
شفآيفي هلي ذبلآنه وبعد متفكر بثـــوب جديد
إشلون إتريدنه إنعيد وأحنه نسينه العيــــــــــد
إثيآب الحزن لبسنآهه ونصبنه خيآم الفوآتــح​

دآم لنا فيض العطآء
وللمزيد منَ كل جديد
تقبل مروري ومدآخلتي
تحيآتي ودعآئي
دمت موفق​

​

[/size]​

 

[العـ عقيل ـراقي]

رد: اجه العيد..

الراقي مشتاق
انرت صفحتي
شكرا لروحك
وطيبك
كل اﻻماني
عقيل العراقي