احدث الابوذيات الشعرية

[آهات حالمه]

غزل عينك رهن روحي...وجرهه
وشـعـل نيران لبڪلبي...وجرهه
اريد ابوسك من شفتك...وجرهه
حتى انقل هموم البيك اليه





يدور الوكت بس وياي...شفتين
وبيهن لون احمر حيل...شفتين
ربك ماعرف من خلق...شفتين
غير الفوك الك ولجوه إليه





وحك الوضع للعالم...قبلتين
خدك عسل وشفافك..قبل تين
تدري لو خذت منهن...قبلتين
اكول الله رضى توه عليه





شمس وكتي أبد ما صار...شوفاي
وياروحي من المصايب بعد...شوفي
مثل يعقوب صرت وراح...شوفي
ضرير وبس شماته تحيط بييه




ينار افراگهم بحشاي...وجري
وفيضي لشوگهم يعيون...وجري
جزائي من الاحبهم صار...وجري
شگاي وشحة الينشد عليه





يصوت الناي كلبي عليك...ينعاش
واحس العقل مو العقل...ينعاش
يربي الوكت كلبي شلون...ينعاش
وحيد وضل زماني يدور بيه




ڪلام يـغـيـض يـاولفي...معانيك
عليش من احجي تتغير...معانيك
وڪتك مو مثل وڪتي...معانيك
لـيش تـلومني وتـغيض بـيه




الوكَت بالهيمه اعيشن عُمر...خَليت
بسبب ناس الكصصهم ماي...خَليت
الهضيمه اسرار عَد خَرسان...خَليت
وكتبوا ع الورق لشمت بيه

 

[الرااااكد]

يسلموووو
اهات حالمه
طرح قيم
سسلمت يدااك
لاخلا ولاعدم

 

[آهات حالمه]

اسعدني المرور العطر
ودي وتقديري