احس روحي بعدهه تراب

[mohammed.shams]

احس روحي بعدهه تراب
اخاف إمن المطر مرات یغسلني...
اخاف إمن الشجر مو شرط بالتفاح...
مرات العنب یشربني یشربني
و لا حوا انزلت ویاي
لا مرایه اشد وجهي بوجهه و الگه روحي ویاي
انه اول غریب الگاع محد جلب اوصافه
و لا صح واحد من ابعید یأومي له اویه الملاگه
وامشي و خاف اطیح بناس ایسألوني اجیت منین
عمر ضایع و لا واحد شبگني و گال خایب وین؟؟؟!
لا نشده
ولا ورده
و لا صخرة گبر باسمي تدلیني
او صبحي شما علیه ركضیت...
شمسه اتطیر عن عیني
بعد چم دوب اتاني لحد ثگل رمشي
و لا چف بالچذب دگ اعله چتفي و گال خل نمشي
احس روحي بعدهه تراب
شگد ناس ماعندي گلب بیهم
و ادور مدري یا عنوان...
امس لما اسالت واحد علي وینه؟
دور جیبه باوعلي... او طایح گلي من زمان
دورلي عرف بتراب هاي الگاع
هلبت بي الاگي شراع
هلبت بي جنح لاهلي يوديني
غريب انه اعله ويه الگاع
بعدني بتربتي بطيني






میلاد بو عمران

 

[mohammed.shams]

احس روحي بعدهه تراب​

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير