اختنگنه امن الهضم يابه الحسن فدنوب
على الحبلين تلعب وگحه دنيانه
حتى بالهوه لنشتمه تلهب نار
چم شمعه انطفت واشجار ذبلانه
صلة الارحام چنهه اتگطعت نصين
نرد ذيچه التحيه وندري خجلانه
شو غُربه صفينه وبالحقيقه اخوان
امن بعيد السلام وحسره بالحانه
لا طارش اجه ماطب علينه الضيف
مثل ذاكه الگليط لخالي ديوانه
يتنطر خبر بلچن تجي الاحباب
يبست دلته ومهمــــوم فنجانه
ماشفنه الربيع وما لگينه افراح
ذبل كل الورد من يبست اغصانه
بلا تشييع شفناهه البشر لتموت
ولا مجلس عزاء ينوح صيـــوانه
فگدنه ياعلي چم طيب ومحبوب
تركهه وماتـــــوادع ويه خوانه
حتى ازيارتك صارت علينه اشكال
وانت لماغلگ بالضيــــــج بيبانه
تره يمكم تظل امعلگه آلآمال
وكتنه المحتــــــــــرگ يعمينه دخانه
اذا الذنوب سـدن كل وصل وياك
بصايتكم يبو الحسنين خلصانه
متقصرون ابد رغم الذنوب هواي
تدروهه گصــــت هالدنيه ويانه
بس انتو الوسيله يم الاه الكون
لنظرتكم تراهه الناس عطشانه
الصغير المقصر
ابو لقاء البهادلي
على الحبلين تلعب وگحه دنيانه
حتى بالهوه لنشتمه تلهب نار
چم شمعه انطفت واشجار ذبلانه
صلة الارحام چنهه اتگطعت نصين
نرد ذيچه التحيه وندري خجلانه
شو غُربه صفينه وبالحقيقه اخوان
امن بعيد السلام وحسره بالحانه
لا طارش اجه ماطب علينه الضيف
مثل ذاكه الگليط لخالي ديوانه
يتنطر خبر بلچن تجي الاحباب
يبست دلته ومهمــــوم فنجانه
ماشفنه الربيع وما لگينه افراح
ذبل كل الورد من يبست اغصانه
بلا تشييع شفناهه البشر لتموت
ولا مجلس عزاء ينوح صيـــوانه
فگدنه ياعلي چم طيب ومحبوب
تركهه وماتـــــوادع ويه خوانه
حتى ازيارتك صارت علينه اشكال
وانت لماغلگ بالضيــــــج بيبانه
تره يمكم تظل امعلگه آلآمال
وكتنه المحتــــــــــرگ يعمينه دخانه
اذا الذنوب سـدن كل وصل وياك
بصايتكم يبو الحسنين خلصانه
متقصرون ابد رغم الذنوب هواي
تدروهه گصــــت هالدنيه ويانه
بس انتو الوسيله يم الاه الكون
لنظرتكم تراهه الناس عطشانه
الصغير المقصر
ابو لقاء البهادلي
