ادري الخلفج مافكر بحالي

[mohammed.shams]

أدري الخلفچ مافكر بحالي !
مره وكل الصفات البيـچ تحـلالي
ابنية وضل بيـها راس الأبـو مرفوع
امن اشوفچ من بعيد اعگال حسبالي
طويله ونازكه وجنچ شطب ريحان
من تحچين احس خرخشه بدلالي
من الله الذهب يرهم على الترفات
هوَ الغالي دوم يرافگ الغالي
كل ظهرية وانه ابابكم موجود
اگولن حارة وشيجيبچ ابالي
ابكامل عقلي قانع بالذنب وياچ
ومااعتب على الشيطان يقرالي
ماشفته ودريت بساگچ ابيض طوخ
لأنه من وره التنوره ويلالي
اذا صرتي الي ماريدچ اتعبين
انتي ارتاحي اجيبن خدم لاطفالي
انه عكس الزلم ماحب اهذري هواي
اسكت بالحچي وتسولف افعالي
مثل ضبت سعف واشتعلّ بيها النار
هيچ انه احترگ لو صـرت مو مالي
عفتچ بالشجر مجبور مااحويچ
الترف مثلچ اخاف اتبززه اسلالي
وجهچ صافي چنه امراية العرسان
اعدل روحي لمن توگف اگبالي
وجهچ مدري شنهي احتار بي يا لون
گمر لابس حجاب انتي ايتراوالي
يكرهوچ ويقلدون المشي التـمـشي
الناصي امنيته يعله ويكــره العالي
ما لوحچ رغم يمي واديه اطوال
يمشي ابصفي بس ماينـكض اخيالي
اليشــوفچ ينسـىّ أحلامه
التضحكيله يحس الخير گدامه
شنو اتشربينه ينشاف وتعرفه الناس
العندچ رگبة لو جـامه !
لو بس انه .. سهلة
العرب كلها اتگـول:
أروحن فدوة الـأم شـامه ،

علي المنصوري

 

[غزل..ᥫ᭡]

..


مَجهودَ عَذب ..!!
عطآء انيقَ وحضور صآخب
سلة من الوردَ وآنحناءة شكر لسموك .."

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير