اريد اكعد اوياك اشلون ماچنه

[رمااد اانسان]

انه وگلبي النحبك طولت عنه
يـ منه شغيراك وصرت مو منه
بشر لكن اغيابك مال ناس اهواي
اشما تبعد ارسومك موتي يدنه
مومالت زعل بس انته ردت اتروح
موچد غير ناس وعندك الضنه
تره مبين الرايد حجه حته ايروح
يزعل من سوالف مايزعلنه
چان القاسمه الله اتقاسمه انه وياك
ماندري بوكتنه شچان ضامنه
طحت وانه ابوكتها اتمددتلك كاع
وشلتك من جحيم النار للجنه
عفتني وصدگت طبع البنادم صار
عينه اعله الچفوف المايگومنه
وكت خله الذهب ينسد مچانه بخيط
واعيون النودهم ماتصدنه
اجروحي الموش منك يوجعني عليك
اجفوف الكاودنك عكلي باكنه
انه ولوما اجفاك شعندي وي الليل
اخلصه بكض خواصر واختنك منه
عله ثكل الكتبته الظرف ظل اوياي
ثجيل اعله الطيور وماينكلنه
عطشانك حجي شتنفع اخبارك زين
اريد اكعد اوياك اشلون ماچنه
واكلك ماكو راحه الثجيلات ارداف
واضحك والمكابر دافن الونه
گرضه من الوكت ضحكت المامرتاح
شگشر طبع الايام ولايضحكنه
ورگد تابوت حزني ومالكاله امتون
منك ونعملله الصور شالنه
طالت غيبتك ولشوك باهت صار
وكلبي اعله نسيانك يبشط بسنه
واجيت ابوكت غيرك مشتبه يفلان
اوكتك مادري شچم ميل عبرنه
شجر ع الماي اعيشن لم هواك وروح
وجهك يلكه غير اگلوب يشرنه
هوى ولانختنك من ينسد الشباچ
اعيوني اتكول طيفك لايمرنه

 

[mohammed.shams]

روعه عاشت الايادي

 

[ود العامري]

الله هالله رووووعة

 

[سيد الكلمات]

الله.. الله..
صح لسانك...

 

[سعد العراقي راقي]

شكرا لجهودك
تحياتي لك

 

[حلم عااابر]

صح السانك واعتلى شانك ولاهنت
يعطيك آلف عآفية على آلطرح
آلآكثر من رآئع
لآ تحرمنآ جديدك آلمميز
تقبل مروري

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي