اشتاكلي..

[رمااد اانسان]

اشتاكلي..
المشتاك يطفه ابماي عينه ويشتعل ابجروح اديه
ويضحك ابوجه الضنون ابغير كلبه ويبتشر والبيه بيه
اشتاكلي
الماي يعثر عالجروف وداع صدفه ويعتني الهرش اليبس
مايعتنيه
اشتاكلي..
اليعثر ابظله ايموت صاحي
واليعيش بلايه وعيه ابغير ظل
الشوج من ينبت بسجه ايبات وبنادم يزل
اشتاكلي..
اجروحي غلاتي
وعيبي صبري
ودفلتي السكته
ووحشتي بلايه هم
وحجتي الفشله التطشني تراب مايسواش لم
وهمي دنيه انبعت بيه اغيرك انت
وشنهو معناه الجرح من غير دم
اشتاكلي..
اتخضر اضنوني ابكاع صبخه ويشبج ارموشه اعله طرواك الجفن
وتشرك اشموسي ابحضن ليلك نهار
ويحضن الغايب هوى الحاضر حضن
وتطفح البسمة اعله بال المبتلين الماي يضحك من تشك صدره السفن
الماي يضحك من تشك صدره السفن...

 

[mohammed.shams]

رد: اشتاكلي..

لجهودكم باقات من الشكر والتقدير على المواضيع الرائعه والجميلة

 

[فرحة]

رد: اشتاكلي..

وشنهو معناه الجرح من غير دم
معناها جرح قلبى انصدم وان الكبرياء
يلى عندى احتمال انكسر

ادعى انه يكون جرح سطحى ومايخلف وراه كثير شجن

كل تحياتى تقبل مرورى

 

[رمااد اانسان]

رد: اشتاكلي..

اخي محمد نورت يسلمووو على التواصل

 

[رمااد اانسان]

رد: اشتاكلي..

وشنهو معناه الجرح من غير دم
معناها جرح قلبى انصدم وان الكبرياء
يلى عندى احتمال انكسر

ادعى انه يكون جرح سطحى ومايخلف وراه كثير شجن

كل تحياتى تقبل مرورى

نتمنى ان لايصيبك جرح لا سطحي ولا عميق
نورتي يسلمووو على الحضور والاضافة الجميلة
ارق تحية عطرة

 

[قيصر الحب]

رد : اشتاكلي..

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[safo]

رد: اشتاكلي..

الله

 

[رمااد اانسان]

رد: اشتاكلي..

قيصر
نورت يسلموو على التواصل

 

[رمااد اانسان]

رد: اشتاكلي..

[MENTION=71570]safo[/MENTION]

الله على طلتك واحساسك

 

[آهات حالمه]

رد: اشتاكلي..


تسلم الأنامل
لاعدمنا الحضور المميز
دام العطاء الباذخ