رغم الجرالي صبرت روحـي بسماهم عِلت
شكَد حاربوني وطغـت قـصة نجاحي وعلت
جــم عــله صنعـوا الـلي مـا لامستني وعلت
يـشـهـد عـلـيه الـوكـت امـشي وارشـن وسن
والـقـلـم يـتـبع فـكـر امـضي واصـيغـن وسن
كـم عـاذلـن يحـتركَـ بالـظـهر حّـدّ لـيّ وسن
لـكـنـي يـا صـاحـبـي مـا ظن طغيت وعلت
كم حرة تسـوى افعالها الف رجال
يصدكَـ وعدها لك وتقدر الواجب
المـرجلة افعـال مــو بشت وعـكَـال
والمرجلة اخلاق مو لحيه وشـوارب
كم من صديجٍ ظهر بالتالي محتال
وكم من قريبٍ دمه سم العجارب
خاوي صجيل السيف بالكون بتال
يـفـداك فـي دفــع الـبـلا والـنـوايب
وخاوي صحيح الفكر يرجع ولو مال
يرده حليبه الطاهر من الصبايب
يفرح على ضحك السراير والاحوال
ويحـزن على دمـع العيون الهدايب
ضحكت انته وكلت ما يفيدك الشال
لان كشمير نوعه وغاليه القطعه
ولا يدري الحلو ما همني الشال
بس همي أكلمه وافهمه لطبعه ....
تعااال جروح بيه وابره بيدك
تخيط صواب گلبي وابره بيدك
تشكلني إعلى كيفك وابره بيدك
تغزلني حناان وتدفه بيه
مو عيب الـ يجّرّع عالسواجي الماي
بس عيب اليخون ويـظلم الطاسه
ابد ما اريد اسمي ونعـرف الاسماء
اخاف انجيب اسمه ويكبر بـراسه
الخلص عمره مريض ويزرع اشواك
راح ابقى اقــلـقه وابقى وسواسه
حليبي ابيض مثل نــوكَـ العصافير
وحليبه أسود حبر ومعبي كراسه
على افخاذ الغواني ينشد اشعار
وعلى ابواب الملاهي يجاهر بكاسه
بيه اصرار يشبه صيد النسور
وعندي عناد اقفل مثل ترباسه
اذا هرشه نظيف وتربته سهول
يضل طلعة صحيح وساسه من راسه
للشاعر العراقي مأمون النطاح
ارق التحايا الجورية والوردية
بعيد الاانتظر جيته
