الئ من يفهمني

[ابو مناف البصري]

الئ من يفهمني
ابد ماقدر العشره
خله ميت الف غدره
قلبي والبشر صاير
كوه يجبرك اتخسره

خسرت اهواي بس قابل
لان ما احب اليجامل
يفرج ضحكته بوجهك
وقلبه شكد حقد شايل


ناس اتحب متاعبنه
تدور سالفه تغثنه
هواء بشبك طيبتنه
يادنيا يادنيا

وجوه الناس خداعه
صحبتهم تره ساعه
صارت كلهه طماعه
يادنيا يادنيا

سوي كلشي ..
الدنيا تمشي ..
ولا تأمن الناس سرك
بشنو تنفع..
فدوه اسمع ..
الناس بس تعرف تضرك !!

ابد ماقدر العشره
خله ميت الف غدره
قلبي والبشر صاير
كوه يجبرك اتخسره

وفه لو شربه مايوفي
ياروحي جربي اوشوفي
باقرب فرصه يتخله
وينكر ذاكه معروفي

لدور جنت راحتهم
اجاني التعب من عدهم
همه تغيرو لتكول
صوج الدنيا غيرتهم

ليش العالم تغيرت
تجرح بينه ماشبعت
وراها احساب مافكرت
يادنيا يادنيا

ضاع التعب ياوسفه
كلمن ضل يحب نفسه
من اجروحهم شنسه
يادنيا يادنيا

سوي كلشي ..
الدنيا تمشي ..
لا تأمن الناس سرك
بشنو تنفع..
فدوه اسمع ..
الناس بس تعرف تضرك !!

ابد ماقدر العشره
خله ميت الف غدره
قلبي والبشر صاير
كوه يجبرك اتخسره

 

[فواز]

كلماات رااقيه
ومعطرة
لاعدمنا حضورررك
تحياتي وعبير ودي

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي