الآغا في المجتمع البغدادي ..
لكلمة "آغا" هوايه استخدامات بالمجتمع البغدادي وهي كلمة عصملية معناها "سيد" وجمعها "أغوات". ومثل متعرفون لكل مجتمع خصوصياته باللهجة الشعبية فچانت كلمة "آغا" تطلق على الشخص الميقره وميكتب والما عنده أي ثقافة فچانو يگلون لهيچ شخص "اجه الآغا" من باب التهكم طبعاً.
الآغا أيضاً هو لقب من ألقاب بعض الأسر البغدادية، وبالمجاملات يگلون "هلو آغاتي" يعني "أهلاً سيدي" وهاي دارجة كلش هوايه في عموم العراق، ومن آدابها انه ترد على اليگولك آغاتي بجملة "آغاتك ربك".
من استخدامات كلمة الآغا هي من تمدح شخص تگول "هذا آغاتهم" و من تريد تفضل شي على شي فتگول "هذا آغاة هذا" يعني أفضل منه.
وأحمد آغا چان من رجال شرطة بغداد الكبار وأنضرب عليه المثل اليگول: "روح فهّم حجي أحمد آغا" ، وأكو مثل لاخ يگول: "مثل خبز باب الآغا أبيض ومگسب ورخيص"، وباب الآغا هو محلة من محلات بغداد .
اودعناكم عيوني s=97
لكلمة "آغا" هوايه استخدامات بالمجتمع البغدادي وهي كلمة عصملية معناها "سيد" وجمعها "أغوات". ومثل متعرفون لكل مجتمع خصوصياته باللهجة الشعبية فچانت كلمة "آغا" تطلق على الشخص الميقره وميكتب والما عنده أي ثقافة فچانو يگلون لهيچ شخص "اجه الآغا" من باب التهكم طبعاً.
الآغا أيضاً هو لقب من ألقاب بعض الأسر البغدادية، وبالمجاملات يگلون "هلو آغاتي" يعني "أهلاً سيدي" وهاي دارجة كلش هوايه في عموم العراق، ومن آدابها انه ترد على اليگولك آغاتي بجملة "آغاتك ربك".
من استخدامات كلمة الآغا هي من تمدح شخص تگول "هذا آغاتهم" و من تريد تفضل شي على شي فتگول "هذا آغاة هذا" يعني أفضل منه.
وأحمد آغا چان من رجال شرطة بغداد الكبار وأنضرب عليه المثل اليگول: "روح فهّم حجي أحمد آغا" ، وأكو مثل لاخ يگول: "مثل خبز باب الآغا أبيض ومگسب ورخيص"، وباب الآغا هو محلة من محلات بغداد .
اودعناكم عيوني s=97
