العـ عقيل ـراقي
اجملُ شيء التجاهل..
أمس وي هلت الغروب
باگتني صفنة محب
وشوازاني وبيك اصفنت
يلي كلك بروحي ذنب
گالولي شيرايد من دنيتك
گلتلهم يدليني اعله الدرب
اردله اخطوط عشگي
وشكتب بيه شعري وما كتب
شنهي قصتك وياه
انشوفك ابن ناس ومرتب
قصتي وياه قصه
لعب بروحي لعب
وفشلة من شماتي
اطيح بنصهم وانحب
رايد ترد لو شنهي غايتك
لا ما ارد بس عندي عتب
الجنة رخيصة كلش
صلاة وصوم وبلا جذب
بس ليش نركض على ما تسوه
وتاليها كلشي علينه ينحسب
مو كافي ندفع اسنين العمر
ليش اليوفي حته بصلاته ذنب
لا تطش اگزاز حدر جدمي
وتگلي افرشتلك سندلوس وكهرب
ولا تحطني اخر اللسته
وتلگلي انته بنص الگلب
انه اخاف من توالي الليل
من تفرغ عود اخر اسم
اسمي ينكتب
..
06/04/2021
العـ عقيل ـراقي
