الحلقه 3 من مسابقة صوره وشعر

[حنان البصرة]

السلام عليكم احبيتي







صور مؤلمة من الانفجار الارهابي الجبان والذي اعقبهُ هجوم مسلح بالاسلحة الخفيفة على الزوار في مطعم فدك في ناحية البطحاء بمحافظة ذي قار


حسبنا الله ونعم الوكيل رحم الله شهدائنا وحشرهم محشر محمد وال محمد




ذي قار تنزف دما طاهرا لزوار ابا عبدالله

​

 

[سعد العراقي راقي]

رد: الحلقه 3 من مسابقة صوره وشعر

لاحول ولاقوة الا بالله العلي العظيم
طبعا الصورة التي انتشرت في مواقع التواصل للشهيد الذي وضعو ابنه الشهيد الصغيرعلى صدره

اسم الشهيد الاب(كاظم محمد جواد)
واسم الشهيد الابن الصغير(محمد علي)
وايضا يوجد ابن اخر لهذا الشهيد استشهد معه وهو(جواد) وهو اكبر من اخيه
واصابة باقي افراد عائلته الستة
وهم من اهالي البصرة











احد شعراء الناصرية رثى هذا الطفل وابوه بقصيدة انقل منها بيتين

شنهي ذنب الطفل ذاك اليم ابوه
يرفرف ومذبوح شابك منحرة
كومي يا ذي قار خل نعلن حداد
هذا طف اليوم مو بس مجزرة




شكرا لك حنان

تحياتي


مشاركتي ادناه
​

​

 

[المشتاق]

رد: الحلقه 3 من مسابقة صوره وشعر

ضريبه ياعلي إللــــي يحبك لآزم يدفعها
إستشهآد إصغآر وأكبآر وأروآح نرفعها
إلِبآري السمآء ونگول أروآحنا نوضعها
گلها بطريق إحسين إليوم الحشرهديـــه


المشتآآآآآآآآآآآآآآآآآق​

 

[المشتاق]

رد: الحلقه 3 من مسابقة صوره وشعر

دآعش إشما سويت ماتنگطـــع زوآرإحسين
گبلگ چآن ظلآم إتگطـــــع إچفوف ورجلين
ما گدرت تؤگف بدرب الِفآدي روحه لحسين
وأهل ذي قآر مِن الطينه إلگلهم إستشهآديه​

المشتآآآآآآآآآآآآآآآآآق​

 

[شهد~]

رد: الحلقه 3 من مسابقة صوره وشعر

ألا لعنة الله على داعش
مهما فعلتم سنحيّ الشعائر
ونمضي في المسـير الى الحسين

حنونة الحبيبة
صور تدميّ القلب
رحمَ الله شهداء العراق العظيم

 

[ياسمينه]

رد: الحلقه 3 من مسابقة صوره وشعر

خليهم يرحوون لرب كرريم رحيم
غفور عطوووف شعدهم باقيين
بالعراق الفكر العراق ابو الهم والغم
والضيم وقله الحيله
العراق الي من يوم وعينه ع الدنيا
ماشفنه بي لا راحه ولا امان
ولا كلشي
ولحد يبيع وطنياااات يرحم موتاكم
وربي وربي وادري ماتصير
ولا تتحقق بس اصلا العراق يحتاج واحد يشيله
ويخلي بحر تيزاب حتى يذوووب هو وناسه ونخلص
ناس حاقده على ناس
كل محافظه تشووووفها صايره حكومه لحالها
وكلمن اجه يريد يحكم وكلمن اجه صار عالم دين براس غيره
وكلمن حجه وياي الحق وانه اوله بيها وهذا مابي خير
وهذاااك مو كفوو
اصلا محد كفوووو واصلا محد يسوى واصلا
كلب رااح واجت كلاب مسعوووره
ونهر الدم مستمرررر من سنين
منو جاي يموت!!!!!
ابن واحد من هل الحراميه !!!!
لو ولد الخايبه جاي يرحون بالرجلين
اقاربنه موضف بالبصره واهله بالنجف
بيوم الحادث رايح لاهله صايرله اسبوعين بالدوام
طاب ياكل لكمه وي الي رااميهم
شنو ذنبه !!! شنو ذنب البقيه الي اجو وقتلو هاي الناس الابرياء
سئلوووو انت شيعي !! انت سني !! انت مسيحي !!!
طبعا لا الكتل هيييج عامي شاامي هم يردون تصفيه
الكل واحنه بعض الاغبياء من يحجي يكول السني يكتل الشيعي والشيعي مايريد السني
اصحووووو مو حتى الهند صارت افضل منكم بمليون مره
حسبي الله ونعم الوكيل على كل ظالم وعلى كل شخص مايخاف الله وهيييج يسوي بالابريااء

 

[سعد العراقي راقي]

رد: الحلقه 3 من مسابقة صوره وشعر

مشاركتي المتواضعة

بداية اعتذر عن الالم والصورة الحزينة في قصيدتي هذه
لكن صورته لم تفارق مخيلتي منذ يومين
القصيدة مهداة الى روح الشهيد الصغير (محمد علي)

[FONT=&quot]اه يمحمد علي—جرحك غميج[/FONT]
[FONT=&quot]ماكو تابوت اليغطي رسومـــك[/FONT]
[FONT=&quot]اه يمحمد علي ياسلوة ابوك[/FONT]
[FONT=&quot] مارضت عينه تصد لعيونك[/FONT]
[FONT=&quot]اه يمحمد علي شابت العين[/FONT]
[FONT=&quot]بيضة صارت من دموع همومك
[/FONT]
[FONT=&quot]اه يمحمد علي –وتوجع ال اااه[/FONT]
[FONT=&quot]وانا مااعرفك صرت مجنونك[/FONT]
[FONT=&quot]اه يمحمد علي امـــــــك تموت[/FONT]
[FONT=&quot]غطي جرحك ماتضل من دونك[/FONT]
[FONT=&quot]اه يمحمد علي ومليون اااااااه[/FONT]
[FONT=&quot]روحي خلصت وي دقايق يومك[/FONT]
[FONT=&quot]اه يمحمد علي اصعد للحسين[/FONT]
[FONT=&quot]وروح يم رملة تعدل هدومك[/FONT]
[FONT=&quot]كله امي هناك ضلت بالانعاش[/FONT]
[FONT=&quot]ترضى ابقى اليوم وي مفطومك[/FONT]
[FONT=&quot]
[/FONT]
[FONT=&quot]
[/FONT]
[FONT=&quot]عذرا فدموعي اكثر من سطوري
[/FONT]









​

 

[أنين الروح]

رد: الحلقه 3 من مسابقة صوره وشعر

انا لله وانا اليه راجعون

قتل مو عا الهويه هواي متوهمين

مجرد شباب كص راس واشمره

معصوبه العيون مسبله الايدين

انواع الشظايا مجوبه بصدره

الله واكبر يا عراق ...


صعب مشمره جثه عراقي تصير

انخه ابو اليمه وخل نتعاون ونشيله منه وندفن بكبره

ع الجثث تحوم هل الفضائيات

وتتسابك ياهو الاول حصل الاجره

.... الله واكبر يا عراق

 

[شمس الاصيل]

رد: الحلقه 3 من مسابقة صوره وشعر

الموضوع هو صورة وشعر فاتمنى المعذرة على الرد بدون شعر لان ما اعرف اكتب شعر
لكن الي صار بالناصرية والي ديصير بكل محافظات العراق يؤلمنا والى متى يبقى الارهاب
والى متى يبقى العراقي ينقتل ويتفجر بدون ذنب
السياسيين كل من يركض ورى مصلحته وما يهمه الدم العراقي
شنو ذنب الناس الي دتروح
لعنة الله على الارهاب
ولعنة الله على كل من يريد بالعراق شر ودمار
وربي يرحم كل الشهداء ويشافي الجرحى

 

[استاذ العاشقين]

رد: الحلقه 3 من مسابقة صوره وشعر

لا اله الا الله

فاجعة اخرى من مسلسل الدماء تروي عطشَ الموت المستمر في ارجاء العراق ..

لا حولَ ولا قوة الا بالله العلي العظيم ..وسيعلم الذين ظلموا أي منقلبٍ ينقلبون .