السقوف الثانويه
رب الكون عالي وعينه عالناس
انا استفهام عدي ابهلقضيه
بيتي ابلا سگف ماشافني اشلون
ويشوف اهل السقوف الثانويه!!؟؟
شجاني اتسودنت واعترض ميجوز
حرام اعترض لايگلبهه بيه
مابيه يجيني القبري ثعبان
خلص عمري علي ملتفه حيه
ابد مو منطقيه امنشتكي الضيم
اشوف الظيم كلش منطقيه
اذا بالقسمه كلشي وكلشي مكتوب
اجادل ليش اجادل هاي هيه
رحمه البيت.. طين وينكت اتراب
ونعمه السگف..دوم ايخر عليه
حلو شباكي..مسدود ابكراتين
الشمس كلساع تهتك ستر فيه
مع كل الاسف لو امللك اجفوف
جا وجه وگفه حبيت اديه
ومع كل الاسف كون ابني موجود
بس ابني انكتل گدام اخيه
وخوي الماتفوته الفجر والليل
لگيته ابمزبله ابطرگ الخطيه
ذابحني الوطن..وانه اهتف ايعيش
قطعا ماذبحني ابسوء نيه
علاقتنه عمر مو امس وليوم
علاقه كبش وي عيد الضحيه
لجله اتعلمت ماكول مهزوم
اطب ابجيش واطلع بس سريه
ولجله اتعلمت ماگول ذليت
العلم مديوس وآنه آخذ تحيه!
صفه طعم الفشل والانكسارات
مثل طعم النصر عد البقيه
مغفل بامتياز اباعلى تقدير
مغفل مثلي ماوارد عليه
خدمتك ياوطن وبكلهن وياك
مكلف.. وحتياط ..وطائفيه
وبعد دفتر خدمتي ايحب الاختام
ابنص البيت وتختمه الشضيه
مره اهديلي ضحكه اضحكهه باحساس
ضحكت اهواي من شر البليه
ضحكت اهواي من شر البليه
رب الكون عالي وعينه عالناس
انا استفهام عدي ابهلقضيه
بيتي ابلا سگف ماشافني اشلون
ويشوف اهل السقوف الثانويه!!؟؟
شجاني اتسودنت واعترض ميجوز
حرام اعترض لايگلبهه بيه
مابيه يجيني القبري ثعبان
خلص عمري علي ملتفه حيه
ابد مو منطقيه امنشتكي الضيم
اشوف الظيم كلش منطقيه
اذا بالقسمه كلشي وكلشي مكتوب
اجادل ليش اجادل هاي هيه
رحمه البيت.. طين وينكت اتراب
ونعمه السگف..دوم ايخر عليه
حلو شباكي..مسدود ابكراتين
الشمس كلساع تهتك ستر فيه
مع كل الاسف لو امللك اجفوف
جا وجه وگفه حبيت اديه
ومع كل الاسف كون ابني موجود
بس ابني انكتل گدام اخيه
وخوي الماتفوته الفجر والليل
لگيته ابمزبله ابطرگ الخطيه
ذابحني الوطن..وانه اهتف ايعيش
قطعا ماذبحني ابسوء نيه
علاقتنه عمر مو امس وليوم
علاقه كبش وي عيد الضحيه
لجله اتعلمت ماكول مهزوم
اطب ابجيش واطلع بس سريه
ولجله اتعلمت ماگول ذليت
العلم مديوس وآنه آخذ تحيه!
صفه طعم الفشل والانكسارات
مثل طعم النصر عد البقيه
مغفل بامتياز اباعلى تقدير
مغفل مثلي ماوارد عليه
خدمتك ياوطن وبكلهن وياك
مكلف.. وحتياط ..وطائفيه
وبعد دفتر خدمتي ايحب الاختام
ابنص البيت وتختمه الشضيه
مره اهديلي ضحكه اضحكهه باحساس
ضحكت اهواي من شر البليه
ضحكت اهواي من شر البليه
