ملاحظة..
اي كاتب يريد ان يكتب عن اهل البيت
انما يكتب على قدر معرفته لا على قدر
اهل البيت عليهم السلام
فقط الله القادر على وصفهم..
اي كاتب يريد ان يكتب عن اهل البيت
انما يكتب على قدر معرفته لا على قدر
اهل البيت عليهم السلام
فقط الله القادر على وصفهم..
گالوا طاح واهو الحيد ما ينلاح
گالوا طاح گلت هيهات ما طاح
شلون يطيح وهو بچاله تتنومس الناس
وتسولف سبع الگنطرة والخوة عباس
مدگگ بذرعانه من اصباه اسم حسين
ويلف الزلم لف العگل لو خزر بالعين
مسرفن إگماطه وتلوليله كلش من ينام
گمرنه هاي الليلة راح اتبات يم الخيام
صفنه ورعيده لو رفن شواربه وإغتاظ
يشيل الچان اسمه فرات ويكتبه للوعاظ
عباس مو چربه ورمح لو سيف وطاس
عباس احزام ظهر الحسين ورفعت راس
عباس المعسكر واجيوشهم منه مرعوبة
وللمنايا جرهم وبالكصص المنيه مكتوبة
حد المشرعة حد رايته وحسين يشوفه
وين وصلت گال حسين زرع بيهم الخوفه
16/09/2019
العـ عقيل ـراقي
