عراقيـــــــه والنعـــــــم منــــــــه وسمهـــــــه
شالت هم الوطن فوگ همهه
بنات البلد لؤلؤ وعقد مرجان
احتار القلم شيكتبلي عنهه
بت البصرة
بت البصرة حرة والف حرة
اصالتهه من النخل كحيلة السمرة
ما تعرف زعل والروح خضرة
الچ مني السلام وارقى التحية
بنت الانبار
بنت الانبار استاذة بالكرم وتحسن الملگة
شعب طبي وعلاجك يمهه تلگة
تجر الروح وتملي الگلب حرگة
يعونة النزل عدهم وشرب مي منديهه
بت بغداد
بت بغداد محتار بأمرها
انيقة والدلع مرافگ عمرها
ضيگ حيل مسودني خصرها
هي المشكلة وحل القضية
بت النجف
بت النجف رزنة وطنون هيبة
نور وجناتهه التايه يجيبة
موسوعة علم ما تدفع ضريبة
تربات المراجع والمرجعية
بت العمارة
شسولفلك على بت العمارة
العاشرهن يبخته طالت عمارة
الوفى دربة عليهن والله ومسارة
كبرياء الهور وصفات الطير بيهه
بت كربلا ء
بت كربلا رقة وحلاوة
ابتسامتهه خفيفة ومشيتهه بهداوة
لاتعرف جفة لا تعرف قساوة
وفى تربة الگاع معجونة بيهه
بت ذي قار
بت ذي قار لا تنشدني عليهه
احتار الفكر منهه وعليهه
كل صفات الحسن مجموعة بيهه
تلميذة مضايف والكرم بيهه
بت الحلة
بت الحلة طيبة وطيب زايد
الوجنات الوردة والحواجب گلايد
نصبن الكل گلب بصري مصايد
خد مربى وخد گيمر السدة
بت الموصل
بت الموصل مزيونة وشگرة
بشوفتهه من كل مرض تبرة
قطعة من الفرح ضحكة ومسرة
اربعتهن ربيع فصولهه هي
بت السماوة
هايم انه ابت السماوة
هي الغلا وهي الغلاوة
خفيفة دم ومعجونة بشقاوة
شاخصة مثل نخلاتهه هي
بت تكريت
اسألت گالو الحليوة من تكريت
بنات مدسترة ومنورات البيت
الوجنة ضوة والخدين جكليت
بنات العز والمرجلة هية
بت الشمال
بت الشمال مجرش جسمهه
مثل الجبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية
بت ديالى
بت ديالى الاصل هي والاصالة
برتقالة بالشكل وبالعگل فالة
همك صبرهن اتكفل وشالة
بيهه اروع صفة واروع سجية
