الك بيه حزن بستان
مادگن عصافير الصبح بابه
ومشت عنه الشمس بسكوت
يوحشة ديرة اضنوني الدرت عنها الوجه تابوت
لگيتك گنطرة لحزني وتهجيتك نهر ياقوت
دبرني الحزن مو راي
مو فشلة القصيدة اتموت؟
وانت اهواي بعيوني حلم وجناح
وسوار وضحك وبتوت..
اخذني الفي مواويلك شمس ما جاسها ابنادم
اخذني الحلمك الغرگان اغرف من بگايا الدم
يشاعر اجوي حزني وياك
جويات الشعر بلسم
وعسى ذنب الحزن لو فاض
بعيونك سجج يلتم
انه ابنادم اجيتك من وطن گنطار
يضوي امن العطش حزنه..
وطن يتنخه بالماشين ويصلي اعله كل مزنة..
وطن ياشاعر العشاگ كلها اتحاول اتسجنه..
وطن غرگان بالفتنة..
تنيسن كل غبي ابگاعة وركض بالناس ريع الدم
وانقاض اشتهت انقاض مَعلم يسحگ اِبمَعلم..
يجابر حزنك وحزني وطن بي كلشي ما يسلم.
وطن سجانة مايندم.
وطن حكامه ما تفهم..
ضياء محسن
مادگن عصافير الصبح بابه
ومشت عنه الشمس بسكوت
يوحشة ديرة اضنوني الدرت عنها الوجه تابوت
لگيتك گنطرة لحزني وتهجيتك نهر ياقوت
دبرني الحزن مو راي
مو فشلة القصيدة اتموت؟
وانت اهواي بعيوني حلم وجناح
وسوار وضحك وبتوت..
اخذني الفي مواويلك شمس ما جاسها ابنادم
اخذني الحلمك الغرگان اغرف من بگايا الدم
يشاعر اجوي حزني وياك
جويات الشعر بلسم
وعسى ذنب الحزن لو فاض
بعيونك سجج يلتم
انه ابنادم اجيتك من وطن گنطار
يضوي امن العطش حزنه..
وطن يتنخه بالماشين ويصلي اعله كل مزنة..
وطن ياشاعر العشاگ كلها اتحاول اتسجنه..
وطن غرگان بالفتنة..
تنيسن كل غبي ابگاعة وركض بالناس ريع الدم
وانقاض اشتهت انقاض مَعلم يسحگ اِبمَعلم..
يجابر حزنك وحزني وطن بي كلشي ما يسلم.
وطن سجانة مايندم.
وطن حكامه ما تفهم..
ضياء محسن
