*اللیل لو طولت گعدته*
خاطر انولم رغيف ضیوفنه التلفاز بعنا
ولغدانه اليوم خلينه المسجل
بيهه غمسنه الحمد وحروف خبزة
لگمه داخل حسن بیهه
لگمه یاس او لگمه علوانیة ذگنه
الفقر حیرة
العوز عاهر
اليوع كافر
خايفين الليل يچهب للعشه...
بطوس التنك انثرد الله لو شرفنه؟!
او خايفين الليل اتطول گعدته و چاینه یفچ گبل مانشربه الصبح
او خایفه امنه إنام بالحوش او دبیبه تجي و تدبي اعله أملهه
قصة عدهه اعله الشمس اتسولف النه
الشمس طيارة من كاغذ او شدهه ابن الجنوب بخيط جرحه
او ركض حافي ديرة ديرة
و صفى كل عاگولة ملحه
اتخلص القصة و تلولي أمنه علينه
و المخادي شاحنة فوانيل و عوذ او قصايد
و عله يا نجمة الي المشتولة خبز ردنه نطير...
ما گدرنه
لا جنح صح
لا مخدة ريش عدنه
نغفه ليل
نفز ليل
-نسئل أمنه يصير ناسينه الوكت؟!
-تگول یما الناس و الساعة و سواليف الحرب كضو زهايمر
-الله هم كضه زهايمر؟!
-لا ييما البخت نايم
الصبح ينسه يجينه ويا الصبح
ميلاد أبو عمران
خاطر انولم رغيف ضیوفنه التلفاز بعنا
ولغدانه اليوم خلينه المسجل
بيهه غمسنه الحمد وحروف خبزة
لگمه داخل حسن بیهه
لگمه یاس او لگمه علوانیة ذگنه
الفقر حیرة
العوز عاهر
اليوع كافر
خايفين الليل يچهب للعشه...
بطوس التنك انثرد الله لو شرفنه؟!
او خايفين الليل اتطول گعدته و چاینه یفچ گبل مانشربه الصبح
او خایفه امنه إنام بالحوش او دبیبه تجي و تدبي اعله أملهه
قصة عدهه اعله الشمس اتسولف النه
الشمس طيارة من كاغذ او شدهه ابن الجنوب بخيط جرحه
او ركض حافي ديرة ديرة
و صفى كل عاگولة ملحه
اتخلص القصة و تلولي أمنه علينه
و المخادي شاحنة فوانيل و عوذ او قصايد
و عله يا نجمة الي المشتولة خبز ردنه نطير...
ما گدرنه
لا جنح صح
لا مخدة ريش عدنه
نغفه ليل
نفز ليل
-نسئل أمنه يصير ناسينه الوكت؟!
-تگول یما الناس و الساعة و سواليف الحرب كضو زهايمر
-الله هم كضه زهايمر؟!
-لا ييما البخت نايم
الصبح ينسه يجينه ويا الصبح
ميلاد أبو عمران
