الگه طولچ : ملتم اگبالي گصب .

[فقار الكرخي]

بساعة الينداف بالماي الضوه
وتصحى الشوارع

والصبح ...
تتنمّش اخدوده بروايح خبز ...
و زلوف ، وعصافير ، و أغاني

الگه طولچ : ملتم اگبالي گصب ...
و الگـه إعله خدّچ
ظلّت من الليل بوسة گمر سمره ...
و عَ الخصر حسرات إصابع !!

بيچ مجنون النهر روجاته ترگص ..
من كثر ما عمّد المندائي بيها ...
عيون و خدود العرايس

و الدرابين الزغيره ...
بفرح تغزل ويّ اصابيع الزغار :
اخيال ، و هلال ، و مطر ..
و بلا تعب تركض وره طيور السنونو

بيچ دورات المعانگ ، و المطر بالماي ...
مصيوغه خلاخيل إبـ إدين الصاغه أهلها
و جيبلي صايغ مثلهم؟!
جيب ...مصيوغه مثلها؟!

جيب ...
بيبان بطعم بيبانها التلگـاهه كلها
إمرصّعه بغيم ، و مسافات ، و مواسم؟!

بــــاب : لونه إغياب

بــــاب : بلايه لون

و بـاب : شذري ...
بنص فتحته لكل شمس تومي التراچي

وباب : مقفول ، ومفاتيحه : رذاذه ...
و فـَي حلم كلّش غميج ...
و نخل : ما يشبه نخل !

_معتز سامي

 

[جنون العاطفه]

رد: الگه طولچ : ملتم اگبالي گصب .

الله عليك شكد ذووق
وردي

 

[قيصر الحب]

رد: الگه طولچ : ملتم اگبالي گصب .

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[فقار الكرخي]

رد: الگه طولچ : ملتم اگبالي گصب .

منورين

 

[فتنةة العصر]

رد: الگه طولچ : ملتم اگبالي گصب .

عاش احساس نبض
قلمك السامق

 

[mohammed.shams]

رد: الگه طولچ : ملتم اگبالي گصب .

لجهودكم باقات من الشكر والتقدير على المواضيع الرائعه والجميلة