انا الغلطان

[أوجاع ألظلام]

أنه الغلطان من خليتك أنت بدفتر الوجدان

وانه الغلطان

من گتلك أريدك
من گلب ولسان

يا.... گصر النظر
من گمت أهتم بيك

حسبَّالي يظل ميزانك
الميزان

ويا عثرة درب
ذبت اجدامي إهناك

والسچة طويلة اتعاند التعبان

تجرحني إعلى طولي
وما گلتلك ليش

وادنگ عيني منك مستحى وخجلان

اجيك إبخلگ ما دشنته طول اليوم

وارد ابخطوة وحشة وبهذلاها اللوم
واعض اشفافي عض ندمان

أنه الغلطان

يا... رحلة عمر نفضت إكتاره اسنين
أعد أيامهه وأشخط على الحيطان

وارد لذكرياتي البعثراهه الغيظ
ارتبهِّن ... وارد كلشي مثل ماچان

وترِّد انت تبعثرهِّن

وارد آنه

وترد انت

واصيّح إبزحمة السكتة
مو كافي ولك يفلان ...؟؟؟

جرحني الحچي الما رتبنَّه احروف
وشهگ ويه روحي الجتفاهه الخوف

واطيح وبيه الف نيشان

يااا ... طبعي شگول إعليك

تركض عالسراب
وشايلك طوفان!!!

رِّد معذور ماطول الوكت بعده

رِّد إبأول المُدَّة

و...لو سدَّوا
ابوجهك باب

صدگني أگلك تنفتح بيبان...

 

[الهادئة]

رد: انا الغلطان

كلمات جميلة جدا
دومج مبدعة غاليتي

 

[المشتاق]

رد: انا الغلطان

[SIZE=+0]

[SIZE=+0]

[SIZE=+0]

[SIZE=+0]

أبنتي المبدعة أوجآآآآآآآآآع الظلآم
سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ أنا الغلطآن }}
إختيآر موفق

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

[/SIZE]​

[/SIZE]​

[/SIZE]​

[/SIZE]​

 

[شيلان]

رد: انا الغلطان

الله..


يسلم هالذوق..

 

[أوجاع ألظلام]

رد: انا الغلطان

شكرا للمرور