انا من اشتاگ اخظر بالدروب احضان
السهر عيني علگ شديتهه بزنده
اشيجي منچ اتلگه الخير والمو خير
شتخلين يرهم واطلع بگده
حسبوهه الشماته وگالوا من تروح
وجهه وبابهه وحتى الهوه اتسده
اگضي الليل احظر بالحچي الملگاج
وخلصت النجم وچفوفي بالعده
وجيت امشي نفس يم رية الغرگان
گالوا جدمه خانه يروح وتصده
مدري اشچم شته ايضيع برجفتي وياچ
ضگتهن بيچ بس حرورتچ وحده
رديت وفشلتي مخيطه اعلى الگاع
ومي وجهي خلص من كثر ماندّه
من احضن صورتچ يم شلب يشبع ماي
ولعد خصر النخل دمعاتي تتعده
انا وشط العرب خوان محسوبين
ابصدري اشچم بلم هز حسرتي بمهده
وارجع واشتكيچ بكل وجه بردان
ياهو الما گلتله وكزبرت جلده
گالوا ترس اذاني انساها ماتهواك
لتسوي الصنم بيديك وتعبده
اضيع هيبته من اوگف على الشلال
واوصلچ وكلشي بروحي يتبده
وارجع ذاك الاول البي الفشله شراع
بارد چني ملگه الماي والسده
النده المايفتهم يوگع بصف الماي
واليندل مكانه ايطيح عالورده
لمبدعها المرحوم
علي رشم
السهر عيني علگ شديتهه بزنده
اشيجي منچ اتلگه الخير والمو خير
شتخلين يرهم واطلع بگده
حسبوهه الشماته وگالوا من تروح
وجهه وبابهه وحتى الهوه اتسده
اگضي الليل احظر بالحچي الملگاج
وخلصت النجم وچفوفي بالعده
وجيت امشي نفس يم رية الغرگان
گالوا جدمه خانه يروح وتصده
مدري اشچم شته ايضيع برجفتي وياچ
ضگتهن بيچ بس حرورتچ وحده
رديت وفشلتي مخيطه اعلى الگاع
ومي وجهي خلص من كثر ماندّه
من احضن صورتچ يم شلب يشبع ماي
ولعد خصر النخل دمعاتي تتعده
انا وشط العرب خوان محسوبين
ابصدري اشچم بلم هز حسرتي بمهده
وارجع واشتكيچ بكل وجه بردان
ياهو الما گلتله وكزبرت جلده
گالوا ترس اذاني انساها ماتهواك
لتسوي الصنم بيديك وتعبده
اضيع هيبته من اوگف على الشلال
واوصلچ وكلشي بروحي يتبده
وارجع ذاك الاول البي الفشله شراع
بارد چني ملگه الماي والسده
النده المايفتهم يوگع بصف الماي
واليندل مكانه ايطيح عالورده
لمبدعها المرحوم
علي رشم
