بعيوني اريدك تجي لو بس حلم عابر ...
انطيني نسمة هوى وبراحتك سافر**
من دونك انه ترى متلعثم وحاير …
لو كلبي لو خاطري ما اعرف شكاسر**
يلبيه الك لوعتي والشوك والشاعر …
وليل وحلم بالجفن والماضي والحاضر
كلي اذا ما تجي وسولف من اﻻخر …
انه ودمـــــــــــعتي ترى مانصبر الباجر
عكبك أأمن منو ومنين ما احاذر …
حرب الظنون ابتدت وبعازتك ســـاتر
ما خضرت والنهر وشل وانه مناطر …
والظن جنيتك ترى معذور اله الظاهر
جم دوب ادور السمه ع الطير المهاجر …
بعدك كله من الخلك وتشلبه ع الخاطر
يالما سمعت الحجي جا ماسمـــــعت البجي …
شــــــــتريد اموت … اي متت تدلل وتامر
خيــل الـــحزن ع الجفن خلت اثر حافر …
وياك احس بالنــــــصر حتى من ارد خاسر**
بس انت ثق بالهوه بطلت ما عاشر …
وهسه افتهمت المثل عن غلطة الشاطر
للشاعر ايهاب المالكي
انطيني نسمة هوى وبراحتك سافر**
من دونك انه ترى متلعثم وحاير …
لو كلبي لو خاطري ما اعرف شكاسر**
يلبيه الك لوعتي والشوك والشاعر …
وليل وحلم بالجفن والماضي والحاضر
كلي اذا ما تجي وسولف من اﻻخر …
انه ودمـــــــــــعتي ترى مانصبر الباجر
عكبك أأمن منو ومنين ما احاذر …
حرب الظنون ابتدت وبعازتك ســـاتر
ما خضرت والنهر وشل وانه مناطر …
والظن جنيتك ترى معذور اله الظاهر
جم دوب ادور السمه ع الطير المهاجر …
بعدك كله من الخلك وتشلبه ع الخاطر
يالما سمعت الحجي جا ماسمـــــعت البجي …
شــــــــتريد اموت … اي متت تدلل وتامر
خيــل الـــحزن ع الجفن خلت اثر حافر …
وياك احس بالنــــــصر حتى من ارد خاسر**
بس انت ثق بالهوه بطلت ما عاشر …
وهسه افتهمت المثل عن غلطة الشاطر
للشاعر ايهاب المالكي
