انباكن خيوط الشمس
والظلام بكل كتر كلسا يفز
والسمه تمشي عكس
شيطانهم بيهم يوز
صاعد المنبر يحاضر
وبالكراهيه يعس
يخدر عقوله الحثاله
الغافيه والماتحس
ليلنه بالدم تحنه
والفجر اسود لبس
والفرح لملم غراضه
وشال من ليلة امس
صافنه عيون ابراري
ادور طيور الكطه
والربيع الضيع اهله
مدري ياهو عليه سطه
ماتت ورود الحدايق
والشوارع فارغه بلايه غطه
والفرات بطيبته يحب الوطن
ومايفرق بين اطياف الشعب
طبعه ثابت ابد ميغيره الزمن
تارس الدنيا محنه وما تعب
وعلى ورداته يمد روحه ويون
وعنده جلمه كالها وبيها عتب
كال ادور وين ربعي وين ناسي
من تغير رسم دجله اندار راسي
ما اريد يصير جيراني سياسي
وما اريد الباع الوطن لجل الكراسي
ولا اريد اليبني قصره على الماسي
ومااريد الداس ورداتي وكطع شهكت انفاسي
والظلام بكل كتر كلسا يفز
والسمه تمشي عكس
شيطانهم بيهم يوز
صاعد المنبر يحاضر
وبالكراهيه يعس
يخدر عقوله الحثاله
الغافيه والماتحس
ليلنه بالدم تحنه
والفجر اسود لبس
والفرح لملم غراضه
وشال من ليلة امس
صافنه عيون ابراري
ادور طيور الكطه
والربيع الضيع اهله
مدري ياهو عليه سطه
ماتت ورود الحدايق
والشوارع فارغه بلايه غطه
والفرات بطيبته يحب الوطن
ومايفرق بين اطياف الشعب
طبعه ثابت ابد ميغيره الزمن
تارس الدنيا محنه وما تعب
وعلى ورداته يمد روحه ويون
وعنده جلمه كالها وبيها عتب
كال ادور وين ربعي وين ناسي
من تغير رسم دجله اندار راسي
ما اريد يصير جيراني سياسي
وما اريد الباع الوطن لجل الكراسي
ولا اريد اليبني قصره على الماسي
ومااريد الداس ورداتي وكطع شهكت انفاسي
