هذه الكلمات كتبتها لمن يذلون انفسهم
لاصحاب المناصب والمتطفلين على الدين
أنته شاعر..
يعني تعرف معنه العاف مرته
وشبگ ذيج السواتر
وتعرف شهني ام سهرت عمر
وتالي تزف اوليدها للمگابر
شمالك تتلوگ لأصحاب الكراسي
وعمامة حظها عاثر
انته شاعر
ترسم اخدود سمره وتنتطر
موسم حصاد
وتفك شعرها مثل شوف البيادر
لاتحط چلمة بلا وزن
وتسولف وتصعد منصه ومنابر
ضحكوا عليك صاحولك انته شاعر
وك الشاعر احساسه هويته
وموقفه الرجولي جواز وبيه يسافر
گبلك هواي مدحوا اصنام
بس ما ظل الهم اسم بالدفاتر
محتهم الايام وبالت عليهم چلاب المزابل
وذاك وحده ظل عمر بالوحدة يكابر *
يدي جرحه وما نزل هامته
ولا دگ بوب ، ما يسوون
نفثة چگاير
خل روحك عزيزة ولا تشمر شرفها
الشعر موش اوراق واقلام ومحابر
الشعر ذوق ورفعة روح
والچلمة عزيزه تنحچي بطيب خاطر
*هنا اقصد مظفر النواب
26/12/2019
العـ عقيل ـراقي
التعديل الأخير:
