- إنضم
- 5 أغسطس 2019
- المشاركات
- 91,953
- مستوى التفاعل
- 10,884
- النقاط
- 187
- الاوسمة
- 1
توالمنه ويه سنبلهه
وفرشنه جناحنه هلالين وتراب العتب سكران
والموح يترهدن كيف من يحضه بضمه الكيعان
جم لون السمه اتغنيك
وانته شراع طير وماي
وانت لكل ربيع فياي
ناغي جفوفهه تحنيك
سمره ضنونهه وتعشك ضحكها أمتد عرس بالطين
شمس لو صوفرت تنباك
وتفز خضرمه الخطوه ورسايل بالهوه تغنين
وانشتلت ظفايرها
سراط من الضوه اتبده لحد اخر نشه بالكيف
وتحنت شكو مرايه تغني الماي
باجر من اطيح مراد اطيح اسمر
زراك السمه ايغني وياي
باجر من تحايلني صواني الغار
اطش خيطي شراع اخضر واغني لكل نبي بالريح
وانته انته
حزن يتناك يم الله
الوميض انته
اليلاكي الموح هو انته
اليطش الشمس هو انته
غسان عادل
وفرشنه جناحنه هلالين وتراب العتب سكران
والموح يترهدن كيف من يحضه بضمه الكيعان
جم لون السمه اتغنيك
وانته شراع طير وماي
وانت لكل ربيع فياي
ناغي جفوفهه تحنيك
سمره ضنونهه وتعشك ضحكها أمتد عرس بالطين
شمس لو صوفرت تنباك
وتفز خضرمه الخطوه ورسايل بالهوه تغنين
وانشتلت ظفايرها
سراط من الضوه اتبده لحد اخر نشه بالكيف
وتحنت شكو مرايه تغني الماي
باجر من اطيح مراد اطيح اسمر
زراك السمه ايغني وياي
باجر من تحايلني صواني الغار
اطش خيطي شراع اخضر واغني لكل نبي بالريح
وانته انته
حزن يتناك يم الله
الوميض انته
اليلاكي الموح هو انته
اليطش الشمس هو انته
غسان عادل
