اني لا سياسي و لا بطرانمواطن عراقي وما ارشح ع برلمان
واحد من هل شعب و بكلبه هموم
كبر همة و كام يخلف بعد مايفيد اللوم
اريد اصارحك يلسياسي و نحجي بصراحة
هذا حقي بالدستور و انت صاحب اقتراحة
اريد اكلك عن الامان و عن الانسانيه
و اعرف جوابك شراح يكون لان اني الجبتك بديه
تكلي الاول راح لعيون الشعب والثاني فدوة الية
و تكلي كبر عقلك ابلدنة ماينجمعن سويه
ها تضيف وتكول وجنك بندوة صحفية
العراق بنص كلبي بس مايدرون كلبك بدل الهوية
كضيت سنين عمرك و انت بالخارج مرتاح
تاليها تكلي معارض ادري هي هاي العدالة الاجتماعية ؟
واحد عايش بلاس فيغاس ويكول احب العراق
تريد اكلك بيا نايت كلاب جنت تسهر يوميه ؟
و تريد اكلك ع يارقم تلعب بالقمار
وتريد اكلك شكد دفعت للبنيه ؟
وتريد اكلك بيا كاس تشرب خمر جان
و تريد اكلك كحولة شكد بالنسبة الئويه ؟
وتريد اكلك شجنت تنزل مزة ع ميز
و تريد اكلك اشكد تدفع ليلية
لو تريد افضح وكول ع حديثات
الاوكرانيه اختك زين و هولندية ؟
لا تكلي غرض العلاقة مصلحة شعوب
الشعب ما يدري شيصير جوه البطانية
و لا تكلي اصلي واصوم و ما افوت ركعه
ادري قابل هندي اني تريد اصدك حجيك واسمعه
اريدك مرة تحس بمعاناة الشعب ولو زحمة عليك !
و اريدك تصدك بوعودك قبل ما ننتخبك و تورطنة بيك
و اريدك تمسح دمعت اليتيم
و اريدك تقوي كل مسكين
بس ما نريد تميز بين ولد شعبك
انت فاهم قصدي مايحتاج اوضحلك !
البارحة تفرقة رادوا يسوون بين صفوف الشعب
عمر مات وكتاله علي وما نحتاج بس عود شخاط و يوج الحطب
شعب عاش عمره ما يكلك انت من يا عمام
شو هسه تكله سلام عليكم ما يرد السلام
اذا انت رافضي ما اسلم عليك
و اذا ناصبي ما احط ايدي بديك
و لهنا و اعتذر منك يا استاذ*
سياسي انت و ما تحتاج اي اثبات
مبروك للشعب ع هل حكومة
شعب نال و صبر و فطر بلحم بومة ....!
بيتهوفن
