اوكف يازمن عدنة عتاب وياك
تعال وشوف جرحك بيش ملجوم
خليت المصيبه بكلب كل انسان
ويابيت التطبلة تشوفة مهموم
عاشرنة الحزن من جنة بالكاروك
والحد ماكبرنة ويانة مضموم
البشر بالعيد تفرح تلبس اشكال
وحنة من الدمع فصلنه الهدوم
العيد انذبح والضحك دمة يسيل
ومجهول الهوية الفرح هاليوم
تعلمنة بعد عالقهر والحسرات
وتعلمنا الحزن موخوش تعلوم
نعيش بنص وحوش وناس تاكل ناس
وضمير اكثر العالم صار معدوم
صار الضحك سلعة وتشتريها الناس
وثمن كل ابتسامة بكاس مسموم
