باجر محكمة الما بيه حزب افلان

[mohammed.shams]

هنياله اليموت او ينذكر اسمة
على روحه تگول الناس الف رحمة
هنيال الجسد من يندفن بالگاع
او يظل خالد ابد ما يندفن رسمة
فرق بين القروله الفاتحة امنيموت
او فرق بين الجنازة التسمع الشتمة
وهي شمرة عصه او يلگانه ملك الموت
يعوف الماضي الك والحاضر ايعدمة
مثل جف بي جرب شايل دهن خنزير
وصف دنياك عد العرفو الحكمة
بلاية ارتال تنزل للگبر مجتوف
لا مال اليقيد او لا نتر زلمة
تشوف اشگد قسيت او دمرت بالناس
او يجيك اجم شهيد الناگع ابدمه
باجر محكمة الما بيه حزب افلان
يگدر ينتخي او للحاكم ايلزمة








ميثم الطفيلي

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير