بتقالد الجفن النوم وصمه عار

[توليـــــب✿]

بتقاليد الجفون ..النوم وصمة عار
حشا جفوني تنام بغير شوفتكم

المفارك حبيبه..بيا وسيلة ينام؟
اغمض عيوني...بس تفتحها سيرتكم

مو رجفة برد...لا بيه رجفة شوك
ابرد وانطفي...وتشعلني ريحتكم

وولا عصفور ضل بصدري مامذبوح
واجيتلكم يهزني الشوك ...اجيتلكم

عفت ربعي وعمامي وديرتي الطيبين
وخانكني الحنين وجيت ادوركم

اجيتلكم...
ياهو خلافكم يستاهل وينباس؟
شيوصلني ؟؟؟وابوس تراب عتبتكم
اجيتلكم...
سفينة محجبة ..وكشفها جف الريح
وفرشت شراعي خيمة تغطي ديرتكم..

وأفيي الكم ...واعارك بالشمس بالكيض
ولو...ادري....الشمس مشرقها من خدكم

علي مرت سوالف.....اه شكلكم .....اه
اريد من الله عنهن كون يبعدكم

مايمشي الوكت...مكطوعة رجل الميل
وشطووووووله الدرب......يشبه ظفايركم

واجيتلكم...يهزني الشوك اجيتلكم
يعتني الشوك اجيتلكم
يذلني الشوك اجيتلكم

عفت سربي...وطرت ضد اتجاه الريح
وكلت ...وسع الافق يشبه محنتكم

اجيت بكل شبر من عندي ريشة تطيح
ذكرى تطيح
يوم يطيح
وهبت ريح
طيحتني...وطرت بسنين عشرتكم

اجيت اشكيلكم من قسوة الصياد
ياوسفة لكيت المصيدة بجفكم




وشفت بيكم تناقض جان ماموجود
بيضة وجوهكم مو مثل نيتكم

شفايف بابكم باسن جفوف الغير
واشم ريحة شماته بزاد سفرتكم

بعد المن اسولف شعري تالي الليل
شكد كاتب قصايد....ردت اسمعكم

ترى الشاعر يشيب مو شرط بالراس
ترس راس القصايد شيب من عدكم


لون يبرة الشمر من دم ابو السجاد
من عندي فلا تبرون ذمتكم[font=$post[field63]][size=$post[field64]][color=$post[field62]]
[/color][/size][/font]

 

[رحلة الماضي]

رد: بتقالد الجفن النوم وصمه عار

اجيت اشكيلكم من قسوة الصياد
ياوسفة لكيت المصيدة بجفكم

الله الله ع ذوق الانتقاء
سلمت الانامل

 

[حكاية صمت]

رد: بتقالد الجفن النوم وصمه عار

عاشت يدك

طرح مميز

تحياتي

 

[المشتاق]

رد: بتقالد الجفن النوم وصمه عار

[size=+0]

توليـــــــــــــــــــــــــــــــب
سلمت يدآكِ للوحة الرآئعة والجميلة
{ بتقآليد الجفون ،، النوم وصمة عآر }
للمزيد من الإبدآع
تحيآتي ودعآئي
دمتي موفقة​

[/size]​

 

[قلب شجاع]

رد: بتقالد الجفن النوم وصمه عار

شكرا على الجهود المبذولة

عاشت الايــــــــادي ​

 

[المايسترو]

رد: بتقالد الجفن النوم وصمه عار

روووووووووووووووووووعه