بخدي نيشان..

[العـ عقيل ـراقي]

نامت اعيون المدينة

وانطفت اشبابيج المحلة

وصرت ادور وين ماجان

هلبت ضيعت الدرب

هلبت نسيت القلب

هلبت شالت ارسومك الحيطان

وين بهل ليالي تيهت قلبي

وكتب جلمة امسافر ومشيت

لوباعتك المدينة اقليبي الك اوطان

احلفك بكل نبي تامن بيه

واحلفك بجروح دهري

واحلفك بكل اشواكي

يلصرت لاسمي عنوان

لاتنيم المدينة توها صحت

وبالك تاخذ اسرارها

وتضيع اسنين المضت وياك

يلي على خدك فتح الرمان

شنهي نيتك وياي يبنادم

وشنهو التريده بعد وشخليت

اخذت اعز ايامي وبعت

ونست الجان يودك انسان

ماهو صخرة اقليبي

ولاهو بلا ملح دمعي

ونار الفركة مو نار

اهي نيران تسعر يفلان

عسنك بناره تجوه

وعسنك ماتنام الليل

يملوكون بيش ادعي عليك

وانت العفت بوساتك

ابخدي نيشان


من مكتبتي بقلمي..

عقيل العراقي

 

[كيان الم]

رد: بخدي نيشان..

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

​

 

[أنين الروح]

رد: بخدي نيشان..

روعه احسنت ......

 

[العـ عقيل ـراقي]

رد: بخدي نيشان..

شكرا لكم
ما اجمل باقة زهرٍ
لعيونكم
راقني حضوركم
كل الاماني
عقيل العراقي

 

[سكوون الليل]

رد: بخدي نيشان..

يعطيك العآفيه
طرح رائع وانتقاء جمييل

 

[قيصر الحب]

رد: بخدي نيشان..

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[العـ عقيل ـراقي]

رد: بخدي نيشان..

شكرا لكم احبتي
راقني حضورك الممييز
كل الاماني
عقيل العراقي

 

[المشتاق]

رد: بخدي نيشان..

أخي المبدع والشآعرالكبير
عقيل العرآآآآآآآآآآآآآآآآقي
مسآآآآآآآآآآآفر بلإ جوآز

سلمت يدآك لهذه اللوحة الرآئعة
والقلآدة الجميلة
ذآت الإطآر السآحر
{{ بخدي نيشآن }}​

بخدي نيشآن للــــــــــــي يدنگ ويبوسه
بوس إلما شآيف خدود مورده ومتروسه


دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[‏أعہشہقہ أنہفہاسہكہ]

رد: بخدي نيشان..

-سلمت أناملك وسلم إبداعك ودمت بحفظ الله ورعايته

 

[العـ عقيل ـراقي]

رد: بخدي نيشان..

احبتي
شكرا لجميل تواجدكم
ورقة قلوبكم
كل الاماني
عقيل العراقي