أخواتي وإخوتي أعضاء وزوار
منتديات فخامة العراق
السلام عليكم ورحمة الله وبركاته
يسعدنا ويسرنا جدا بأن نضع بين أيديكم
الحلقة الثالثه عشر من برنامج
شاركوني ذكريات حياتي
الهدف من هذا البرنامج
هو إضافة فسحة من التغييروكسرالروتين
وتلطيف الأجواء وزيادة أواصر التعارف والأخوة
داخل بيتنا الجميل
منتديات فخامة العراق
وفكرة البرنامج
تتلخص بأن تستضيف أسرة البرنامج
أحد أعضاء المنتدى من الجنسين
ليقوم بسرد أهم وأبرز
ذكريات وأحداث ومحطات حياته
بشكل سلسل وجميل بدءا من أيام طفولته
والى حد يومنا هذا
وكأنه يكتب قصة حياته وبدون رتوش
تتلخص بأن تستضيف أسرة البرنامج
أحد أعضاء المنتدى من الجنسين
ليقوم بسرد أهم وأبرز
ذكريات وأحداث ومحطات حياته
بشكل سلسل وجميل بدءا من أيام طفولته
والى حد يومنا هذا
وكأنه يكتب قصة حياته وبدون رتوش
وسنقوم بتحديد محاور
الحديث والأسئلة للضيف
وتتركه يتحدث
بدون حاجة أو ضرورة لطرح الأسئلة
عليه من قبل الأعضاء
لكي يكون الحديث
متسلسلا ومركزاعندما يبدأ بسرد
تأريخ حياته مرورا بأبرز محطاتها
من أجل أن يتعرف أعضاء المنتدى
على الضيف أو الضيفه
الحديث والأسئلة للضيف
وتتركه يتحدث
بدون حاجة أو ضرورة لطرح الأسئلة
عليه من قبل الأعضاء
لكي يكون الحديث
متسلسلا ومركزاعندما يبدأ بسرد
تأريخ حياته مرورا بأبرز محطاتها
من أجل أن يتعرف أعضاء المنتدى
على الضيف أو الضيفه
ويسعدنا ويشرفنا أن تكون ضيفة
الحلقه الثالثه عشر من البرنامج
عضوه متألقه في سماء الفخامه
ولها حضور جميل
سنحاول أن نتعرف على اسرارها
وقد سمحت لنا مشكوره
بأن نشاركها ذكريات حياتها وأبرزمحطاتها
إنها
الحلقه الثالثه عشر من البرنامج
عضوه متألقه في سماء الفخامه
ولها حضور جميل
سنحاول أن نتعرف على اسرارها
وقد سمحت لنا مشكوره
بأن نشاركها ذكريات حياتها وأبرزمحطاتها
إنها
نتركها لتستعيد ذكريات حياتها ولتحدثنا عنها
اجمل مرحلة مريت بيها هية مرحلة الطفولة
يمكن ماجنت مدللة
لان جانت اختي اصغر منيهي المدللة
عند اهلي
بس مع هذا كلش جانت حلوة مرحلة طفولتي
جانت عندي صديقات بالطفولة
بس للاسف مااتواصل وياهم
اخر لقاء بينة جان قبل اربع سنوات
جنت جدا شقية بهاي المرحلة
وجنت شوية معذبة الوالدة
ههههه
لحد الان تكول انت اكثر وحدة عذبتيني بطفولتج
اسماء الدلع هواي جانت عندي
كلمن يدلعني باسم
والاغلب نونة
جنت اعشق افلام الكارتون وتابعت الكثير منها
مثل نيلز..سندباد..كابتن ماجد..كرانديزر
خماسي..ساندي بيل.وغيرها كثير..
مااذكر الاغاني الجنت ارددها
بس دائما اردد نشيد رفعة العلم
لان الوالدة تحب تسمعة مني
جانت تنطيني فلوس علمود اقرا الها.
هههه
اسم مدرستي الابتدائية هي المدينة المنورة للبنات
جنت اخاف من العقوبة بس بس مع ذلك
كنت شقية بالمدرسة
وماجنت شاطرة بيها يعني يادوب انجح
هههه
مواقف جدا كثيرة واجهتي بالمدرسة ومنها
جنت احب الغياب فبيوم كعدتني الوالدة للدوام
وكتلها اليوم ماكو احد يداوم حتى تخليني مااداوم
ومن صارت الساعة ب9الصبح تقريبا
اندك الباب
جان تطلع معلمتي ام العربي جانت جيرانة
هي تكول لامي وينها بنتج اليوم
عدها امتحان شفهي وهية ماكو
هههههه
جنت ناسية الامتحان
وجان ابدل واروح بسرعة البرق للمدرسة
هههه
اتمنى ارجع طفلة لان جنت ماعرف بشي
وماكو مسؤولية
جانت سعيدة طفولتي الحمد لله
رغم الظروف الي مرت بينا
ههههه
لا ابد ماعاكست ابن الجيران همة جانو يعاكسوني
لامحبيت بفترة المراهقة على الرغم
كل صديقاتي
عاشو هاي التجربة الا اني
ههههه
ماجانت عندي هوايات محددة بفترة المراهقة
هنا تغيرت هواي امور بية
يعني وعيت اكثر وشوية عقلت
ههههه
الحمد لله الى الان ماعانيت من مشكلة
بهاي المرحلة
اما بالنسبة للدراسة الحمد لله
وفقت بدراستي وجنت شاطرةبالكلية
على عكس بقية مراحل دراستي
السنة تخرجت والحمد للة
اني خريجة كلية الادارة والاقتصاد
قسم محاسبة
اكيد مالكيت وظيفه صارلي شهر من تخرجت
بس ان شاء الله الكي باقرب وقت
لا ممتزوجة بعدة النصيب مجاي
هههههه
اما مواصفات زوج المستقبل
اول شي اريدة يكون دمة خفيف ومرح
وثانيي اريد تفكيرة مو محدود ومثقف
ومو برشلوني
هههههه
اموري بالمطبخ
جنت قبل فترة اعرف اطبخ الانومي
والبيض فقط
هههههه
بس الوالدة علمتني شوية أمور عن الطبخ
وشوية شوية اتعلم ان شاء الله
اكثر اكلة احبها الدولمة والسمك
والبرياني طبعا
نظرتي للمستقبل..رغم الظروف الي نعيشها
عندي امل كلش جبير يكون المستقبل
احسن ان شاء الله
ملابسي دائما اختي تختارها ويايه
مو محبة بيه لان هيه تلبس مني
ههههه
دائما امي او اختي يساعدني باختياري للملابس
الواني المفضلة
ماعندي الوان محددة بس افضل
الالوان الداكنة
نعم زرت محافظات عراقية
زرت بغداد وكربلاء والنجف
واتمنى ازور البصرة ..
اما بلدان عربية او اجنبية لا الى الان
ان شاء الله في المستقبل
تعرفت على الفخامة بالصدفة
وطبعا جانت صدفة حلوة
نعم جدا سعيدة بوجودي بالفخامة
لان تعرفت على ناس طيبين هنا
برنامج شاركوني ذكريات حياتي
برنامج رائع بمعنى الكلمة
وكلها برامجك استاذ عاشق تعجبني اكيد
والي الشرف اكون ضيفة احدى
حلقات برنامجك الجميل
وابدا ماعندي اي اقتراحات لتطويره
اما امنياتي التي لم تتحقق ..
هي ان يعود الأمن والاستقرار للعراق
وتنتهي الطائفية بكل اشكالها
ويرحم الله شهداء العراق...
كلمة اخيرة اوجها لاعضاء الفخامة
ربي يسعدكم ويبعد عنكم كل شر ان شاء الله
وشكري واحترامي لحظرتك
استاذ عاشق من الزمن الجميل
على مجهودك الرائع ...
نورس
الي اللقاء في حلقه جديده وضيفه
او ضيف جديد
بمشيئة الرحمن..مع اعطر التحيات
سيتم تكريم ضيوف البرنامج الاعزاء
ب٥٠٠ مشاركه و٥٠٠٠ نقطة تقييم
مع توقيع
وابواب البرنامج مفتوحه امام مشاركات
جميع الاعضاء ليكونوا ضيوفا غاليين
علي البرنامج
