[ " بسطية الم " بس هذا عنواني ]
تاليهة يدنيا الگلب مل وياج
كضيت العمر كله صافن متاني
دفانه شكثر تدفن فقط ميتين
وانا صاحي واصيحن وين دفاني
الميت ينسأل بالدنيا عنده شصار
بس ارد افتهم هم انسأل اني
عشت عمري اجمّع بس قهر وهموم
وبس قلبي خطيه بهمه داراني
جرح فوك الجرح ووياه كومة احزان
[ بسطية الم ] بس هذا عنواني
صرت تاجر جبير بشغلة الالام
بس يطيب واحد يرجع الثاني
وبميلاد البشر تحتفل هاي الناس
وبميلادي انصبن چادر احزاني
وانفخ ع شموعي النورتلي الليل
وخلتني اوچد اسمه للجاني
الجاني الوكت وانا الي مجني عليه
وصار الجرح سجني وهمي سجاني
وصرت دايخ باسمي هو انه فلان؟
دخيلك يا وكت ياهو الي سماني؟
اسمي بالغلط عرفو هاي الناس
انا اسمي الجرح من ال احزاني
تيهت الفرح بالدنيا وين الگى
شايلني الوكت للنار وداني
لا مذنب يدنيا ولا غلطت بشي
لو مذنب اگولن ذنبي اذاني
وشيطاني طردته من حياتي وراح
واشو صرتي علي بس انتي شيطاني
برداني مسحت يادنيا دمع العين
ومن كثر الدمع عتيته لرداني
بعد هذا يدنيا شعندج انتي وياي
دعوفيني دخيلج مو متت اني
تاليهة يدنيا الگلب مل وياج
كضيت العمر كله صافن متاني
دفانه شكثر تدفن فقط ميتين
وانا صاحي واصيحن وين دفاني
الميت ينسأل بالدنيا عنده شصار
بس ارد افتهم هم انسأل اني
عشت عمري اجمّع بس قهر وهموم
وبس قلبي خطيه بهمه داراني
جرح فوك الجرح ووياه كومة احزان
[ بسطية الم ] بس هذا عنواني
صرت تاجر جبير بشغلة الالام
بس يطيب واحد يرجع الثاني
وبميلاد البشر تحتفل هاي الناس
وبميلادي انصبن چادر احزاني
وانفخ ع شموعي النورتلي الليل
وخلتني اوچد اسمه للجاني
الجاني الوكت وانا الي مجني عليه
وصار الجرح سجني وهمي سجاني
وصرت دايخ باسمي هو انه فلان؟
دخيلك يا وكت ياهو الي سماني؟
اسمي بالغلط عرفو هاي الناس
انا اسمي الجرح من ال احزاني
تيهت الفرح بالدنيا وين الگى
شايلني الوكت للنار وداني
لا مذنب يدنيا ولا غلطت بشي
لو مذنب اگولن ذنبي اذاني
وشيطاني طردته من حياتي وراح
واشو صرتي علي بس انتي شيطاني
برداني مسحت يادنيا دمع العين
ومن كثر الدمع عتيته لرداني
بعد هذا يدنيا شعندج انتي وياي
دعوفيني دخيلج مو متت اني
