بس لكيتك..

[العـ عقيل ـراقي]

دوخني الكرز بطعم شفتك
واحتاريت من ياعسل خدك
سبحانه من الذهب صاغك
يسمر يلشالع اقلوب
وتتبختر بدلالك
حكها البساتين اتغار
وحكة الورد يزعل من جمالك
ياألف آية معكودة بوصالك
انت مديوف بالترافة اديوف
وجن الترافة انباكت
من حلو طولك
وتنام اعيونك بوداعة ليل
وعيوني متحزمة بصورتك
ابد مامرها النوم
ولاشافت احلامك
ياحلو واطعم من الطعم
من ابوسك تشوغ الروح
واتمنه اصيرن خطارك
وتلفني بترف ايدك
وتكتبني بدفتر مواعيدك
يسمر يمضيع الجلمات
وخفت اصيحك
ضيعت اسمك
وانت شارد بحسن الورد كله
ويانبعة الوصلت لحد طولك
شكاكت طلع لو جمار قلبك
وبيا زوية انكتب اسمي
وشكثر بيه اتهممت
وانه الضيعت كلشي عالمودك
بس لكيتك
تكتبني بشوك وحنين لاخر العمر
والتمت علي الهواجس
وظليت اسولف بيك
والنجمات سون حرز لاسمك
اشبكك بالحلم واصيحن ماشبكتك
وارد من اجديد احلم بعطر جيدك
ياحلو يااول منابعي شوكي
ولهفة الحيران بجفوفك
لفني دخيل الشوك
احبك ،،
حتى لو رايد تبيع
انه بروحي شراي الك



العـ عقيل ـراقي​

 

[‏أعہشہقہ أنہفہاسہكہ]

رد: بس لكيتك..

كلمااات رائعه اعجبني ماانثرت هنااا دام ابداعك ولك مني كل الاحترام دمت لناا ودائم قلبك وقلمك

 

[العـ عقيل ـراقي]

رد: بس لكيتك..

شكرا لإعجباك
كل الامنيات
عقيل العراقي​

 

[*Marwa*]

رد: بس لكيتك..

كلمات رووعه
تسلم ايدك
م ننحرم

 

[յαšmïηε ςαﾚm»❥]

رد: بس لكيتك..

للإبداع وقفه أخرى بين يديك
بحق رآقت لي سطورك واستمتعت بها
لك مني كل الود

 

[علي حسن]

رد: بس لكيتك..

يسلمواااااااااااا

 

[العـ عقيل ـراقي]

رد: بس لكيتك..

شكرا لحضورك

 

[العـ عقيل ـراقي]

رد: بس لكيتك..

عاشت ايدك
شكرا لك