بعده اخضر عشكنه

[أنين الروح]

انه همومي جهال وترضع ادموع
اكضي الليل الولي وماينامون
اغفي ابهذا يكعد ذاك ويلوع
ويفزون اعلى صوته ماينامون
الكبر منهم فطمته وياكل اضلوع
شسوي اشلون لو كلهم يكبرون
جنح بيه انكسر والثاني مخلوع
وطرت كوه على اعناد اليكرهون
بس اسمك نهر والماي مكطوع
وانه اعلى الجرف الهث بلعيون
اون بسكوت موش ابصوت مسموع
وانه اجروحي علج والوادم اسنون
من عركه الفرح من روحي مشلوع
وشتل حزنه الزمان ابنص العيون
عشت عمري ابيتم ومكمط ابجوع
ورضعت الضيم من دون اليرضعون
ويمرني العيد وانه ابثوب مركوع
وعيديتي جرح عكس اليعيدون
تمنيت الوكت لو يرجع ارجوع
وانه امسودن وكولن يرجع الكون
بعده اخضر عشكنه وتوه مزروع
واجو ربعي ابمناجلهم يحصدون
يونس زين عمي ابحوت مبلوع
وانه ابحلك الشماته المايرحمون

 

[المشتاق]

رد: بعده اخضر عشكنه

أبنتي المبدعة أنين الروح

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ بعده أخضر عشگنه }}

دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[شيلان]

رد: بعده اخضر عشكنه

جميلة..

يسلم هالذوق الراقي..

 

[أنين الروح]

رد: بعده اخضر عشكنه

شاكره تواجدكم العذب .. ودي وتقديري

 

[أوجاع ألظلام]

رد: بعده اخضر عشكنه

سلمت الايادي

 

[أنين الروح]

رد: بعده اخضر عشكنه

شكرا للمرور

 

[قيصر الحب]

رد: بعده اخضر عشكنه

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[أنين الروح]

رد: بعده اخضر عشكنه

شكرا للمرور ...... ودي وتقديري